"Bunyodkor" murabbiylari taqdirlandi

Ertaga yurtimiz ahli “1 oktyabr – Ustoz va murabbiylar kuni” keng tarzda nishonlaydi. Mazkur sanani munosib kutib olish maqsadida joylarda turli ko'rinishdagi tadbirlar o'tkazilyapti. Ana shundaylardan biri “Bunyodkor” futbol akademiyasida tashkil etildi. Unda akademiyada faoliyat yuritayotgan murabbiylar ishtirokida futbol uchrashuvi uyushtirildi. Jamoalar tarkibida esa Murod Aliev, Hikmat Hoshimov, Qahramon Abduqodirov, Rustam Zabirov, G'ulom Halimtoev, Sherzod Sharipov, Aleksey Roshin, Akbar Ismatullaev, Mirg'iyos Sulaymonov, Murod Toshmatov, Fayzullo Ochilov, Mahmud Sobirov, Jamoliddin Rahmatullaev singari yaqin o'tmishning taniqli futbolchilarini ko'rish mumkin edi. Mazkur bahs oldidan akademiya tarbiyalanuvchilari ustozlariga esdalik sovg'alarini hadya qilishdi. Endi bo'lib o'tgan uchrashuv xususida to'xtalsak:

“Bunyodkor-1” – “Bunyodkor-2” – 2:2. Penaltilar seriyasi – 3:4

Hakamlar: Olimjon Abduvasilov, Javohir Sadakulov, Abdurahmon Shukurullaev

“Bunyodkor-1”: A.Roshin, M.Aliev, SH.Sharipov, M.Mirazimov, R.Xusanov, A.Ismatullaev, X.Xoshimov, G'.Halimtoev, J.Esonov, J.Rahmatullaev, R.Zabirov

Zaxiradan tushganlar: D.Fezaziev, A.Hoshimov, D.Mavlyanov, M.Mirzaahmedov, Z.Xayotov, Q.Vahobov, A.Muminov, YU.Ergashev, B.Nishonboev

“Bunyodkor-2”: B.Sayfuddinov, E.Meliqo'ziev, M.Sobirov, A.Jummaev, Q.Abduqodirov, F.Ochilov, E.Mahkamov, K.Husanov, M.Sulaymonov, YU.Arslanov, M.Toshmatov

Zaxiradan tushganlar: U.Egamov, I.Xolnazarov, B.Sattorov, S.Tolibov, SH.Tolibov, D.Berdiev, X.Fayzullaev, D.Yunusmatov, G.Sapargaliev, A.Hasanbekov, A.Rahmatullaev, H.Yo'ldoshev, S.Zuxriddinov, X.Ahmadjonov

Gollar: D.Fezaziev (28), R.Xusanov (37) – I.Xolnazarov (39, 51).

Penaltilar seriyasi: H.Hoshimov, M.Aliev (darvozabon), SH.Sharipov, A.Xoshimov (ustun), G'.Halimtoev – M.Sulaymonov, X.Ahmadjonov, E.Mahkamov (darvozabon), F.Ochilov, A.Jummaev

Uchrashuv davomida nisbatan ustunlik qilgan “Bunyodkor-1” jamoasi futbolchilari raqib darvozasi oldida bir qator xavfli vaziyatlarni yuzaga keltirishdi. Uyushtirilgan ketma-ket hujumlardan so'ng, Dilaver Fezaziev (28-daqiqa) hisobni ochdi, 1:0. Oradan 9 daqiqa o'tgach, Ravshan Husanov (37-daqiqa) hisobni yanada oshirdi, 2:0. Shundan keyin o'z dublini rasmiylashtirgan Islom Xolnazarov (39, 51-daqiqalar) muvozanatni tikladi, 2:2. Penaltilar seriyasida esa omad “Bunyodkor-2” jamoasiga kulib boqdi, 3:4. 

O'yin yakuniga etgach, FK “Bunyodkor” MCHJ prezidenti Q.N.Hakimov, klub bosh direktori M.Aliev, “Bunyodkor” futbol Akademiyasi direktori SH.Saidov klub tizimida faoliyat yuritayotgan barcha murabbiylarni kirib kelayotgan kasb bayrami bilan samimiy qutlashdi. Shuningdek, tajribali murabbiylar – Nikolay Krasnogorov, Abdumalik Jummaev, Abdusattor Mo'minov va Mahmud Sobirovlarga “O'zbekiston sport faxriysi” unvoni tantanali ravishda topshirildi.