"Premer-liga tarixidagi eng yaxshi jamoaga qarshi kurashda chempion bo'lishimiz mumkin" - Arteta

"Arsenal" bosh murabbiyi Mikel Arteta Angliya Premer-ligasidagi chempionlik poygasi haqida gapirdi.

"Ikki o'yin qoldi, ammo biz hali ham Premer-liga tarixidagi eng yaxshi jamoaga qarshi kurashda chempion bo'lishimiz mumkin. Bu kurash 10 oydan beri davom etmoqda va bizni hali oldinda ikkita o'yin kutib turibdi. Va biz buni yashirmaymiz. Keyingi mavsumda ko'p narsa nima qilishimizga, qanday rivojlanishimizga bog'liq bo'ladi. Nimanidir bashorat qilish juda mushkul", – dedi Arteta.

Mavsum yakunlanishiga 2 tur qolganida "Arsenal" 81 ochko bilan APL turnir jadvalida 2-o'rinda bormoqda. Peshqadam "Manchester Siti" hisobida 4 ochko ko'proq va zaxirasida bir o'yin bor. Agar "CHelsi"ga qarshi o'yinda g'alaba qozonsa, "shaharliklar" chempion bo'ladi.