"Persepolis" murabbiyi Yahyo Gulmuhammadi: "Bugun darvozabonimiz ham xuddi so'nggi himoyachi kabi o'ynadi"

O'yindan keyingi matbuot anjumanida tehronliklar ustozi Yahyo Gulmuhammadi quyidagi fikrlarni bildirdi. 

- Avvalo g'alaba qozonganimiz va keyingi bosqichga chiqqanimiz bilan barcha muxlislarimizni tabriklayman. Bugungi o'yin ham avvalgilari kabi qiyin kechdi, lekin biz o'zimizni ko'rsata oldik. Raqib jamoa hujumda juda faol bo'ldi, shu bois jamoaviy himoyalanishga etiborni ko'proq qaratdik. Bugun darvozabonimiz ham xuddi so'nggi himoyachi kabi o'ynadi. SHu o'rinda "Persepolis"ning barcha muxlislari qatori o'z futbolchilarimga ham rahmat aytaman. CHunki jamoamiz bugun katta ishni bajardi.

- "Persepolis" bungacha OCHL yarim finalida ikki bor o'ynagan. SHuningdek, 2018 yil finalda ham ishtirok etgan. SHundan kelib chiqib jamoa bu borada etarlicha tajribaga ega va bu yil ham yaxshi ko'rsatkich qayd etadi desa bo'ladimi? 

- Aytib o'tganimdek, bu yilgi OCHL o'yinlari oson bo'lmayapti. Dohaga kelganimizdan beri birorta bahsni mana shu oson kechdi deb ayta olmayman. Bu erga kelganimizda guruhda oxirgi o'rinda edik. Ammo turdan turga o'zimizni ko'rsatib, keyingi bosqichga chiqish bilan birga 1/8 finaldan ham o'tdik. Guruhdan birinchi o'rin bilan chiqish oson bo'lmadi. Endi keyingi bellashuv yanada murakkab bo'ladi. CHunki navbatdagi raqibimiz ham kuchli jamoa bo'ladi. Qaysi bosqichga borishimizni bilmayman, faqat shuni aytishim mumkin, har bir o'yinda oxirigacha kurashishga harakat qilamiz.

- Uchrashuvning 84-daqiqasida birdaniga uchta o'zgarishni amalga oshirdingiz. SHundan so'ng jamoa hujumi o'zgarib to'rt daqiqadan so'ng "Persepolis" gol urdi. O'yin qo'shimcha bo'limlarda ham davom etishini xohlamadingizmi? 

- Almashtirishlar odatda maydondagi futbolchi charchaganda yoki taktikada o'zgarish qilishni xohlaganda amalga oshiriladi. Biz o'yin tizginini qo'ldan boy bermaslik uchun zaxiradan yangi kuchlarni tushirdik. CHunki bahs oxirlariga kelib jamoa toliqib qolgandi. Agar gol urmaganimizda qo'shimcha bo'limlarga o'tish ham mumkin edi. Lekin men zaxiradan 3 nafar futbolchini tushirib jamoam o'yiniga yangilik kiritishni istadim. Bu esa o'z samarasini berdi.