So’nggi yangiliklar

14:55Аёллар Осиё Кубогига қуръа ташланди: Ўзбекистон КХДР билан беллашади  0 14:37БУМ! Ўзбекистон МТЖ ноябрь ойида Тошкентда жаҳон чемпионига қарши ўйнайди  12 14:26Ўзбекистон U-23 терма жамоаси хотира турнирида Японияга имкониятни бой берган ўйиндан ГАЛЕРЕЯ  0 14:13"Арсенал" Салиба билан шартномани узайтириш жараёнини тезлаштирди  1 13:40Мақсад U-23 Осиё кубогини ютишми ёки Олимпиадага чиқиш?   3 13:20Кичик Пеледан Марадона Жуниоргача: яшил майдонда омади чопмаган фарзандлар  3 12:55Ҳиндистон терма жамоаси CAFA мусобақасида Малайзия ўрнини эгаллайди  3 12:37Футбол фахрийси Гурам Дараселия вафот этди  3 12:32"Металлург" – сокинлик бағридаги юбилей  9 12:03Расман: "Бунёдкор" легионер ҳужумчи трансферини эълон қилди  2 11:45Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"  1 11:22"Бу рассомни Ван Гог билан солиштиришга ўхшайди". Гвардиола Месси ва Ямаль ҳақида  4 10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  8 09:55Жоау Феликснинг "Ал Насср"даги маоши маълум  1

"Paxtakor"ga uchta gol urgan futbolchi va boshqalar. Superligada 4-turning eng yaxshilari Yangiliklar

"Paxtakor"ga uchta gol urgan futbolchi va boshqalar. Superligada 4-turning eng yaxshilari

Championat.asia sayti O'zbekiston Superligasi 4-turining eng yaxshilarini aniqladi.

"Championat.asia" sayti talqiniga ko'ra, 4-turning eng yaxshi darvozaboni - Sarvar Karimov ("Bunyodkor").

"Bunyodkor" bu tur Olmaliqda OKMK mehmoni bo'ldi va 0:1 hisobida mag'lub bo'ldi. Garchi gol o'tkazgan bo'lsa ham "qaldirg'ochlar" posboni Sarvar Karimov shu kuni jamoasini bir necha bor muqarrar gollardan qutqarib qoldi. Agar Karimovning seyvlari bo'lmaganida "Bunyodkor" yirik hisobda mag'lub bo'lishi ham mumkin edi. SHu bois Sarvar Karimov turning eng yaxshi darvozaboni deb topildi.




"Championat.asia" sayti talqiniga ko'ra, 4-turning eng yaxshi murabbiyi - Timur Kapadze ("Olimpik").


Dastlabki 3ta turda 100 foizli natijaga erishgan "Neftchi" "Olimpik"ni ham osongina mag'lub etishi kutilgandi. Ammo Timur Kapadze boshchiligidagi "Olimpik" shu kuni Farg'ona klubiga qarshi munosib o'yin namoyish etdi va hakam tomonidan qo'shib berilgan daqiqalarda g'alaba golini ham urishga erishdi. "Olimpik"ning mavsumdagi ilk g'alabasi chempionlik uchun kurashayotgan musobaqa peshqadami ustidan qo'lga kiritildi. SHu tariqa, Kapadze 4-turning eng yaxshi murabbiyi deb topildi.




"Championat.asia" sayti talqiniga ko'ra, 4-turning eng chiroyli goli muallifi - Doniyor Abdumannopov ("Paxtakor").


"Paxtakor" mazkur tur o'z maydonida "So'g'diyona"ni qabul qildi. Uchrashuvning 10-daqiqasida Doniyor Abdumannopov o'zi rivojlantirgan chiroyli hujumni chiroyli gol bilan yakunladi. Aynan mana shu gol 4-turning eng chiroyli goli deb topildi. VIDEONI KO'RISH





"Championat.asia" sayti talqiniga ko'ra, 4-turning eng yaxshi futbolchisi - SHohruh Abdurahmonov ("So'g'diyona").


"So'g'diyona" so'nggi bor Toshkentda "Paxtakor"ni mag'lub etganida SHohruh Abdurahmonov hali tug'ilmagan edi. 1995 yildan buyon Jizzax klubi safarda "sherlar"ni mag'lub etgandi. Ammo Ivan Boshkovich boshchiligidagi "So'g'diyona" safarda amaldagi chempionni mag'lub etishning uddasidan chiqdi. SHu kuni SHohruh mezbonlar darvozasiga bir yo'la uchta gol urishga muvaffaq bo'ldi. Faoliyatida ilk bor xet-trikni rasmiylashtirgan SHohruh Abdurahmonov 4-turining eng yaxshi futbolchisi deb topildi. Takidlash lozimki, Abdurahmonov bu mavsum O'zbekiston Superligasida xet-trik qayd etgan birinchi futbolchiga aylandi. 2011 yildan buyon ilk bor "So'g'diyona" futbolchisi O'zbekiston chempionatida xet-trikka erishdi.


Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика