"Paxtakor" yirik hisobda yutqazdi FOTO

Saudiya Arabistoni yuqori ligasi jamoasi "Al Ittifoq" "Paxtakor" bilan nazorat bahsida kuch sinashdi.

Birinchi bo'limda har ikkala jamoalar gol urishni uddasidan chiqa olishmadi. Tanaffusdan so'ng esa dammamliklar Aleksandr Lobanov qo'riqlagan darvozaga javobsiz uchta to'p yo'llashdi va yakunda SHota Arveladze boshchiligidagi "Paxtakor"ni yirik hisobda mag'lub etishdi.

Nazorat o'yini.

Turkiya, Istanbul.

"Paxtakor" - "Al Ittifoq" 0:3

"Paxtakor": Aleksandr Lobanov, Vladimir Kozak, Marko Simich, SHerzod Azamov, Davron Hoshimov, Azim Ahmedov, Tiago Bezerra, Doston Ibrohimov, Suhrob Nurulloev, Gidi Kanyuk, Igor Sergeev.

"Paxtakor" jamoasi Turkiyadagi yig'in davomida yana bir nazorat uchrashuvi o'tkazishni rejalashtirgan.

Unga ko'ra, "sherlar" 30 iyul kuni Saudiya Arabistonining "Al Raed" klubiga qarshi nazorat bahsini o'tkazishadi.
SHundan so'ng esa SHota Arveladze boshchiligidagi jamoa Toshkentga qaytadi.