"Paxtakor" qanday tarkib bilan Doxaga etib borgani malum bo'ldi

Tushga yaqin Toshkentdan Doxa tomon parvoz qilgan samolyotda "Paxtakor" Qatarga keldi va mehmonxonaga joylashib ulgurdi. "Al-Garafa"ga qarshi 30 yanvar kuni "Tani Bin Jassim" stadionida kechadigan uchrashuvga tayyorgarlik Doxada davom ettiriladi. Bugungi mashg'ulot Toshkent vaqti bilan soat 21:00da boshlanadi.

SHota Arveladze Qatardagi o'yin uchun quyidagi futbolchilarni tanlab olgan:

Darvozabonlar - Aleksandr Lobanov, Eldor Suyunov, Botirali Ergashev*
Himoyachilar - Kamoliddin Tojiev, Akmal SHorahmedov, Marko Simich, Farruh Sayfiev, Vladimir Kozak, Egor Krimec, SHerzod Azamov.
Yarim himoyachilar - Akbar Ismatullaev, Azim Ahmedov, Doston Ibrohimov, Jamshid Iskanderov, Jaloliddin Masharipov, Rostin Griffits, Bahrom Abdurahimov, Dilshod Rahmatullaev, Jasur Yaxshiboev*
Hujumchilar - Tiago Bezerra, Jasur Hakimov, Zabihillo O'rinboev*

* - Ergashev, Yaxshiboev va O'rinboev 29 yanvar kuni Doxaga Xitoydan etib kelishadi.