Pavel Solomin Indoneziya klubiga o'tdi va debyut o'yinida gol urdi

persisam.com saytining malum qilishicha, Solomin "Putra" klubi bilan bir yillik shartnoma imzolagan va yangi klubi tarkibida maydonga tushishga ham ulgurgan. Futbolchimiz 9 fevral kuni "Perseru" klubiga qarshi kechgan o'yinni boshlang'ich tarkibda boshlab, 70-daqiqagacha harakat qilgan. 65-daqiqada jamoasining 4-golini kiritganidan so'ng o'z o'rnini jamoadoshiga bo'shatib berdi. Uchrashuvda Solomin jamoasi yirik 5:0 hisobida zafar quchdi.
Eslatib o'tamiz, Indoneziya oliy ligasida 11ta klub ishtirok etadi. Hozirda "Putra" jamoasi musobaqa jadvalining 3-pog'onasida bormoqda.