O'zbekistonning OK-2015 guruh bosqichidagi raqibi iyunda uchta o'rtoqlik o'yini o'tkazdi

Alen Perren bosh murabbiyligidagi Xitoy milliy terma jamoasi iyun 18 iyun kuni SHenyang shahrida Makedoniya terma jamoasiga qarshi o'rtoqlik o'yinida maydonga tushdi va 2:0 hisobida g'alaba qozondi. 22 iyun kuni Xitoy Makedoniya termasiga qarshi ikkinchi o'rtoqlik o'yinida maydonga tushdi va bu o'yinda hisob ochilmagan - 0:0.

Xitoy milliy terma jamoasi 29 iyun kuni Mali terma jamoasiga qarshi yana bir o'rtoqlik o'yinida maydonga tushdi va 1:3 hisobida imkoniyatni boy berdi. Takidlash joiz, Makedoniyaga qarshi ikkala uchrashuv ham, Mali termasiga qarshi o'yin ham Xitoyning SHenyang shahrida bo'lib o'tgan.

Maulumot o'rnida, Alen Perren boshchiligidagi Xitoy milliy terma jamoasi navbatdagi o'rtoqlik o'yinlarini sentyabr va oktyabr oylarida o'tkazishni rejalashtirgan. Dastlab 4 sentyabr kuni Kuvayt, 9 sentyabr kuni esa Iordaniya terma jamoalariga qarshi o'rtoqlik o'yinlari tashkil etiladi. Har ikkala o'yin ham Xitoy poytaxti Pekin shahrida bo'lib o'tadi.

Oktyabr oyida Xitoy terma jamoasi shuningdek, Tailand terma jamoasiga qarshi o'rtoqlik o'yinini o'tkazishi rejaga kiritilgan.

O'zbekiston milliy terma jamoasining OK-2015 guruh bosqichidagi yana bir raqibi - Saudiya Arabistoni terma jamoasi ham sentyabr va oktyabr oylarida ikkita o'rtoqlik uchrashuvini o'tkazadi. Dastlab, 8 sentyabr kuni Avstraliya terma jamoasi Saudiya Arabistoniga tashrif buyursa, 10 oktyabr kuni Urugvay terma jamoasiga qarshi o'rtoqlik o'yinini o'tkazadi. Har ikkala uchrashuv ham Saudiya Arabistoni poytaxti Ar Riyod shahrida bo'lib o'tishi rejalashtirilgan.

Eslatib o'tamiz, Mirjalol Qosimov bosh murabbiyligidagi O'zbekiston milliy terma jamoasi ham avgust, sentyabr va oktyabr oylarida bir nechta o'rtoqlik uchrashuvlarida maydonga tushadi. Unga ko'ra, O'zbekiston milliy terma jamoasi 20 avgust kuni Bokuda Ozarbayjon milliy terma jamoasiga qarshi o'rtoqlik o'yinini o'tkazadi. Navbatdagi o'rtoqlik uchrashuvlari esa 3 va 8 sentyabr kunlariga belgilangan. Dastlab, 3 sentyabr kuni Iordaniya terma jamoasi Toshkentda mehmon bo'lsa, 8 sentyabr kuni Toshkentda Yangi Zelandiya terma jamoasiga qarshi o'yin o'tkaziladi.

Mirjalol Qosimov shogirdlari oktyabr oyida ham uchta o'rtoqlik uchrashuvida maydonga tushishi rejalashtirilgan. Unga ko'ra 6 oktyabr kuni Doxada Qatar terma jamoasiga qarshi o'rtoqlik uchrashuvi bo'lib o'tadi. 10 va 14 oktyabr kunlari esa Bahrayin va BAA milliy terma jamoalariga qarshi o'yinlar bo'lib o'tadi. So'nggi ikki o'yin BAAning Dubay shahrida o'tkazilishi tasdiqlangan.

Malumot uchun, O'zbekiston milliy terma jamoasi OK-2015 guruh bosqichida Xitoy, Saudiya Arabistoni va KXDR terma jamoalariga qarshi maydonga tushadi.