Oxirgi ikki yilda oliy ligada 20ta gol urgan futbolchilar
08 dek 2017 08:45
Yangiliklar
![](https://championat.asia/upload/storage/293241_original.jpg)
![](/upload/storage/293241_220.jpg)
Oxirgi ikki yilda oliy ligada 20ta gol urgan futbolchilar
Bu safar 2016 va 2017 yillara oliy ligada eng ko'p gol urgan futbolchilar haqida so'z yuritamiz.
Sakkiz nafar futbolchi oliy ligada oxirgi ikki mavsumda kamida 20ta gol urishga erishdi. Nemanya Yovanovich va Sardor Mirzaev o'tgan mavsum 13tadan gol urishgandi. Bu yil esa o'z hisoblariga bir xil 7tadan 0gol yozib qo'yishdi.
O'tgan yilgi to'purar Temurxo'ja Abduxoliqov bir mavsumning o'zida 22ta to'p kiritgandi. Ayni paytda Qatarda o'ynayotgan Abduxoliqov bu ro'yxatda oliy ligada bir yil o'ynagan yagona futbolchi bo'ldi.
Bir yil avval 9ta gol urgan "Bunyodkor" yarim himoyachisi Dostonbek Hamdamov bu safar 14ta to'p kiritdi.
"Paxtakor" hujumchisi Igor Sergeev esa 2016 yilda 13ta, 2017 yilda 11ta to'p kiritishga muvaffaq bo'ldi.
Uch nafar futbolchi ikki mavsumda 30ta gol urishga erishgan."Metallurg"ning tajribali hujumchisi Zohid Abdullaev bir yil muqaddam 18 bor raqiblar darvozasini ishg'ol qilgandi. Bu yil esa hujumchi 12ta gol urdi.
O'tgan mavsum ikkinchi davrada "Nasaf"ga kelgan Dragan CHeran yarim yil ichida 12ta to'p kiritishga erishdi. 2017 yil to'liq mavsumda o'z hisobiga 19ta gol yozib qo'ydi.
Bu yilgi oliy liga to'purari Marat Bikmaev o'tgan yil 12ta gol urgandi. Bu yilgi 26ta golni ham qo'shsak hujumchining umumiy gollari soni 38taga etadi.
Oxirgi ikki yilning eng yaxshi to'purarlari:
Futbolchi | 2016 yil | 2017 yil | Jami |
Marat Bikmaev | 12 | 26 | 38 |
Dragan CHeran | 12 | 19 | 31 |
Zohid Abdullaev | 18 | 12 | 30 |
Igor Sergeev | 13 | 11 | 24 |
Dostonbek Hamdamov | 9 | 14 | 23 |
Temurxo'ja Abduxoliqov | 22 | - | 22 |
Nemanya Yovanovich | 13 | 7 | 20 |
Sardor Mirzaev | 13 | 7 | 20 |
O’xshash yangiliklar
![AMP Logo](https://championat.asia/image/logo-amp.png)
Fikrlar