O'FF Xalq talimi vazirligi bilan memorandum imzoladi

Memorandum doirasida tomonlar quyidagi yo'nalishlarda hamkorlik qiladilar:

-maktab o'quvchilarining bo'sh vaqtlarini mazmunli o'tkazish maqsadida ular o'rtasida ommaviy futbol musobaqalari, mini-futbol, qizlar o'rtasida futbol va boshqa turdagi musobaqalarni yuqori saviyada tashkil etish va o'tkazish;

-xorijlik tajribali murabbiylar va texnik direktorlar kuzatuvi ostida mintaqalarda futbolning rivoji uchun tanlangan yangi metodika asosida bolalar va o'smirlarning talim olishini takomillashtirish;

-futbol jamoatchiligi ishtirokida futbol festivallari va boshqa bayram tadbirlarini o'tkazish;

-respublika, viloyat, tuman (shahar) miqyosidagi musobaqalar, futbol festivallari, treninglar va boshqa tadbirlarni tashkil etish hamda unda malakali mutaxassislar ishtirokini taminlash.

SHuningdek, o'zaro kelishuvga ko'ra futbolga oid metodik o'quv-qo'llanmalar yaratilishi hamda ularning tasdiqlanishida Xalq talimi vazirligi tizimida faoliyat yuritayotgan malakali mutaxassislar jalb etib boriladi.

SHuni alohida qayd etish kerakki, joriy yilda butun respublika bo'ylab bolalar va o'smirlar o'rtasida 1000ga yaqin musobaqa o'tkazilishi rejalashtirilgan bo'lib, bu musobaqalarga Xalq talimi vazirligi tizimidagi talim muassasalari faol jalb qilinadi.