Nilufar Usmonova: "Qiziqarli o'yin tomosha qilishni yaxshi ko'raman"

Avvalo meni fikrim bilan qiziqqanliklaringiz uchun "SA" sayti ijodkorlariga rahmat aytaman. Men jahon chempionati o'yinlariga befarq emasman. To'g'risi, mundial avvalida Ispaniya g'olib bo'lsa kerak deb o'ylagandim. Keyin esa kuchli jamoalar guruh bosqichidan nariga o'ta olishmaganiga chempionatga bo'lgan qiziqishim pasaygandi.
Bu yilgi chempionatda kutilmagan natijalar ko'p uchradi. Ushbu jahon chempionatida ertaklarda uchraydigan natijalar ko'p qayd etildi.



Ispaniya, Italiya, Angliya terma jamoalari guruh bosqichdayoq o'z yurishlarini to'xtatishgani haqiqiy "syurpriz" bo'ldi. Umuman tarixda bo'lmagan o'yinlar ham uchradi. Ko'p o'yinlarni o'tkazib yubordim. Lekin uchrashuv natijalari bilan doimo qiziqib keldim va so'rab bilib bordim. Ayni paytda tatildaman. Kuni kecha Gollandiya - Argentina o'yinini katta ko'chada qo'yilgan kinoteatrga kirib ko'rdik.

To'g'risi, yig'lavoray dedim. Bir tomondan Gollandiyaga raxmim keldi. Lekin raqibi kuchli ekan. Yutishi kerakda! Finalda Argentinaga muxlislik qilaman. Lekin rostini aytadigan bo'lsam, men qiziqarli o'yin tomosha qilishni yaxshi ko'raman. Men ishqibozlik qilgan futbolchi Devid Bekxem faoliyatini yakunlaganidan so'ng, to'g'risi, hech bir terma jamoa yoki klubga muxlislik qilmay kelaman. "Barselona" hamda "Real" jamoalarining o'zaro uchrashuvlarini doimo qoldirmasdan ko'rib kelaman. Bu jamoalarning o'yinlari doimo qiziqarli va kuchli kechadi. So'zim so'nggida esa, "Beckham forever" deb qolaman!  

SHahboz BEG'AMOV suhbatlashdi.