Superliga. "Navbahor" – "Bunyodkor" 1:2 (matnli translyaciya)
19 avg 20:10
Yangiliklar
Superliga. "Navbahor" – "Bunyodkor" 1:2 (matnli translyaciya)
Superliga
16-tur
Navbahor Giorgi Nikabadze - 17' Superliga. 16-tur 19/08/2024, 19:30
Bunyodkor Andriya Filipovich - 8', Temurxo’ja Abduxoliqov - 60'
"Navbahor" – "Bunyodkor" 1:2 (LIVE)
Namangan. "Markaziy" stadioni. 19:30
Gollar: Giorgi Nikabadze (Jamshid Iskanderov) 17' – Andriya Filipovich (Temurxo'ja Abduxoliqov) 8', Temurxo'ja Abduxoliqov 60'
Bosh hakam: Sultonmurod Abdurahmonov
Yordamchi hakamlar: Abdulhamid Abduraimov, Husan Xudoyberdiev
Zaxira hakami: Alisher To'xtasinov
VAR: Akmal Rahimov
AVAR: Ziyodullo Abdurahmonov
Nazoratchi: Ravil SHayaxmitov
Komissar: Oybek Yunusov
"Navbahor": 35.Sanjar Quvvatov, 8.Siyavash Haqnazari (17.Ruslan Jiyanov, 78), 9.Odiljon Hamrobekov, 10.Jamshid Iskanderov, 13.Filip Ivanovich, 14.Jamshid Boltaboev (12.Saidazamat Mirsaidov, 78), 21.Giorgi Nikabadze, 23.Yovan Jokich, 34.Farruh Sayfiev, 55.Komil Tojiddinov (71.Navro'zbek Iminjonov, 82), 77.Abror Ismoilov.
Zaxira: 18.Eldor Suyunov, 4.Abror Karimov, 7.Azim Ahmedov, 15.Javohir Abdujabborov, 27.Jahongir Tursunov, 88.Asad Jo'raboev.
"Bunyodkor": 1.Marin Lyubich, 4.Najmiddin Normurodov, 6.Boburbek Yo'ldoshev, 7.SHahboz Jo'rabekov, 11.Temurxo'ja Abduxoliqov (74.Luis Kachorri, 80), 22.Usmonali Ismonaliev, 23.Asadbek Rahimjonov, 25.Itsuki Urata, 41.Andriya Filipovich (66.Azizbek To'lqinbekov, 73), 57.Amir To'raqulov (10.Rasul Yo'ldoshev, 80), 77.Muzaffar Olimjonov (8.Frane CHiryak, 73).
Zaxira: 13.Hamidullo Abdunabiev, 17.Ollobergan Karimov, 49.Farruh Qodirov, 65.Ahmadullo Muqumjonov, 92.Nosir Abdusalomov.
Ogohlantirishlar: Muzaffar Olimjonov (2), Filip Ivanovich (59), Andriya Filipovich (62), Siyavash Haqnazari (77), Yovan Jokich (88).
CHetlatish: Boburbek Yo'ldoshev (70).
MATNLI TRANSLYACIYA
90+2. Uuux! Farruh Sayfievning zarbasi Lyubich tomonidan qaytarildi!
90. Ikkinchi taymga 12 daqiqa(!) qo'shib berildi.
90. Zarbaaaa! Iskanderovning o'ng oyoqdagi kuchli zarbasi darvozaga aniq bormadi.
88. Yovan Jokich qoidani buzgani bois hakam tomonidan jazolandi.
86. Namanganliklar ketma-ket hujum uyushtirishmoqda, ammo bu hozircha samara keltirganicha yo'q.
82. "Navbahor"da almashtirish: Tojiddinov o'rniga Iminjonov bahsni davom ettiradi.
80. "Bunyodkor"da 2 ta o'zgarish: To'raqulov o'rniga Yo'ldoshev, Abduxoliqov o'rniga Kachorri o'yinga qo'shildi.
78. "Navbahor"da 2 ta o'zgarish: Haqnazari o'rniga Jiyanov, Boltaboev o'rniga Mirsaidov tushdi.
77. Haqnazari simulyaciya qilgani uchun ogohlantirildi.
73. "Bunyodkor"da 2 ta almashtirish: Olimjonov o'rniga CHiryak, Filipovich o'rniga To'lqinbekov tushirildi.
70. Bosh hakam Boburbek Yo'ldoshevni maydondan chetlatishga qaror qildi.
68. Referi VAR monitori sari otlandi va vaziyatni obdon ko'rib chiqmoqda.
65. VAR bosh hakam bilan aloqaga chiqib, Boburbek Yo'ldoshevning Jamshid Iskanderovga nisbatan ishlatgan qo'polligini tekshirishni so'radi.
62. Andriya Filipovich qoidani buzgani uchun ogohlantirish oldi.
60. GOL! Temurxo'ja Abduxoliqov penaltidan to'p kiritib, "Bunyodkor"ni hisobda oldinga olib chiqdi – 1:2!
59. Bosh hakam VAR monitoriga borib, vaziyatni shaxsan o'zi ko'rib chiqdi va "Navbahor" darvozasi tomon penalti belgiladi. Aybdor Ivanovichga sariq kartochka ham ko'rsatildi.
56. O'yin to'xtab turibdi. VAR ehtimoliy penalti — Filipovich–Ivanovich to'qnashuvini tekshirmoqda.
55. Filipovichga tibbiy yordamga muhtoj. U Zeytullaevga vaziyat bo'yicha tushuntirish bermoqda.
52. Jokich Abduxoliqovga nisbatan qo'pollik ishlatishga majbur bo'ldi.
50. SHahboz Jo'rabekov Komil Tojiddinovga nisbatan qoidani buzdi. Iskanderov jarimadan to'pni ichkariga oshirdi, himoyachilar o'z o'rnida.
46. Ikkinchi taym boshlandi!
Birinchi bo'lim tugadi. Hozircha hisob – 1:1. Tanaffus!
45. Birinchi taymga 2 daqiqa qo'shildi.
44. "Navbahor" himoyadan boshlab hujum boshlashga kirishdi. Yakunda Farruh Sayfievning uzatmasidan keyin to'p maydon tashqarisiga chiqib ketdi.
41. "Bunyodkor" bo'lim oxirida faollikni biroz oshirdi, ammo konkret vaziyatlar yo'q.
38. Zarba! Filip Ivanovichning uzoqdan bergan zarbasi ancha noaniq ko'rinish oldi.
37. Zarbaaa! Haqnazarining xavfli zarbasini Lyubich qaytardi!
36. Iskanderovdan pas qabul qilib olgan Abror Ismoilov tushunarsiz uzatmani amalga oshirib, to'pni Lyubichga topshirib qo'ya qoldi.
34. Uuuux! Muzaffar Olimjonovning erlatib amalga oshirgan qulay pasi "Navbahor" vakili tomonidan o'z vaqtida qaytarib qolindi.
31. "Bunyodkor"ning uchrashuvdagi dastlabki burchak zarbasidan so'ng to'p mezbonlar himoyachilari tomonidan bartaraf qilindi. Bungacha namanganliklar 5 marta "korner" olishga ulgurishdi.
28. Uuux! Giorgi Nikabadzening pasi va Jamshid Iskanderovning aylanma zarbasidan keyin to'p biroz noaniq ketdi.
27. "Bunyodkor" bugun omadini faqat qarshi hujumlardan izlamoqda.
23. Uuux! Haqnazaridan chalg'ituvchi harakatlar va zarba! Marin Lyubich o'z o'rnida!
22. Zarbaaa! Haqnazarining olisdan yo'llagan zarbasiga aniqlik etishmadi.
20. "Navbahor" hujumlarni tindirgani yo'q. Sergey Lushchan chiroyli futbol tarafdori bo'lgan mutaxassis va u jamoasidan ham shuni talab qilayotgani yaqqol ko'zga tashlanmoqda.
17. GOL! "Navbahor" oradan 9 daqiqa o'tib hisobni tenglashtirdi! Nikabadze – gol muallifi! U Jamshid Iskanderovning burchak zarbasidan oshirib bergan to'pini bosh bilan darvozaga yo'naltirdi – 1:1!
14. "Navbahor" to'pga egalik qilgan holda hujum tashkil etishga urinmoqda.
10. VAR ofsaydi bilan bog'liq vaziyatni ko'rib chiqdi va golni inobatga oldi.
8. GOL! "Bunyodkor"ning tezkor qarshi hujumi gol bilan yakun topdi. Temurxo'ja Abduxoliqovning qulay uzatmasidan keyin Andriya Filipovich darvozani ishg'ol qildi – 0:1!
5. Abror Ismoilov o'ng qanotdan oldinga borib, ancha noaniq uzatmaga mualliflik qildi.
2. Muzaffar Olimjonov qoidani buzgani uchun ogohlantirildi.
1. Uchrashuvga start berildi!
Fikrlar