Nevill: "Ronaldu - Runi - Teves triosi Mane - Firmino - Salax uchligidan kuchliroq edi"

Uning fikricha, 2007-2009 yillarda MYUda o'ynagan Krishtianu Ronaldu — Ueyn Runi — Karlos Teves triosi tarixdagi eng kuchlisi hisoblanadi.

"Bu uchlik ajoyib o'yinlar ko'rsatardi, ular, shunchaki, bu dunyodan emasdi. Gap faqat o'yinchilarning sifati haqida emas. Ularning har biri gol urish uchun dahshati istagi bor, xudbin futbolchilar edi.

Ronaldu boshqacha — raqiblarini taqib qilmas, qo'pollik ishlatmas, ammo juda aqlli futbol namoyish qilardi. Runi va Teves esa haqiqiy ko'cha jangchilari, ularning o'zgacha qobilyatlari bor edi. 

Men uchun Premer-liga tarixidagi hech qaysi trio ulardan kuchli emas. Siz Mane, Salah va Firmino haqida gapirishingiz mumkin, men bu futbolchilarni yaxshi ko'raman. SHuningdek, Sterling, Aguero va Sane uchligi ham bor, ammo ular yuqori cho'qqisiga chiqqan Teves, Runi, Ronaldu triosidan kuchli bo'lolmaydi. Ular afsonaviy uchlik edilar", — dedi Nevill Sky Sports telekanalining "The Football Show" ko'rsatuvida.