Murod Ismoilov: "Birinchi o'yin kamchiliklarimizni ko'rsatib berdi"

"Aslida "Bunyodkor" bilan bahs rejamizda yo'q edi. Mashg'ulotlarda yigitlarning jismoniy holatini yaxshilab 10 yanvardan boshlab o'yinlar o'tkazmoqchi edik. Biroq Toshkent klubi yaqinda OCHL pley-off uchrashuvida maydonga tushishi bois ularga ko'proq o'yin kerak edi. Taklifga rozilik berdik. Yildagi birinchi o'rtoqlik uchrashuvida tabiiyki hech qaysi futbolchining jismoniy holati biz talab qilganchalik bo'lmaydi. Bugun ko'plab xatolar kuzatildi. Barcha futbolchilarga bir bo'limdan imkon berdim. Kamchiliklar ustida ishlashda davom etamiz.

Bugun Tohir SHamsiddinov, Alibobo Rahmatullaev va Azizxon Ibragimov kabi yangi futbolchilar to'p tepishdi. Bundan tashqari ikkinchi bo'limda o'ynagan yoshlarimiz ham o'zlaridan yomon taassurot qoldirishmadi.

Mavsum boshiga qadar tarkibga yana ikki nafar himoyachini qo'shib olmoqchimiz. Hozircha muzokara jarayoni davom etmoqda", - deydi Murod Ismoilov.