Mirzakamol Kamolov: "Superliga yo'llanmasi kimga nasib etishi haligacha qorong'u"

Bugun juda qiyin uchrashuv bo'lishini bilardik.CHunki bilasizlar, shu turgacha "Istiqlol" jamoasi bilan ochkolarimiz bir xil edi. Bizda yana 3 ta uchrashuv qoldi, haligacha Superligaga kim chiqishi so'roq ostida turibdi. Bu o'z navbatida keyingi turlarda intriganing yanada oshishiga zamin yaratadi.

Bugun yaxshi o'yin bo'ldi, g'alaba qozondik, bundan judayam xursandmiz, yuqorida aytdim, hali oldinda 3 ta uchrashuvimiz bor. Jamoamiz oldiga Superligaga chiqish vazifasi qo'yilgan, bizda hozirgi kunda Superliga talablariga mos ravishda infratuzilma shakllantirilmoqda. Endi hammasi o'zimizga bog'liq, qolgan barcha uchrashuvlarda g'alaba qozonsak, nasib qilsa Superliga yo'llanmasini qo'lga kiritamiz.

Bekzod Tolibov yozib oldi