Мирзакамол Камолов: "Суперлига йўлланмаси кимга насиб этиши ҳалигача қоронғу"
29 окт 2018 18:21
Янгиликлар

Мирзакамол Камолов: "Суперлига йўлланмаси кимга насиб этиши ҳалигача қоронғу"

Про-Лига 32-туридан ўрин олган "Истиқлол"-"Машъал" (0:1) учрашувидан сўнг, меҳмонлар сардори Мирзакамол Камолов championat.asia сайтига интервью берди.

Бугун жуда қийин учрашув бўлишини билардик.Чунки биласизлар, шу тургача "Истиқлол" жамоаси билан очколаримиз бир хил эди. Бизда яна 3 та учрашув қолди, ҳалигача Суперлигага ким чиқиши сўроқ остида турибди. Бу ўз навбатида кейинги турларда интриганинг янада ошишига замин яратади.

Бугун яхши ўйин бўлди, ғалаба қозондик, бундан жудаям хурсандмиз, юқорида айтдим, ҳали олдинда 3 та учрашувимиз бор. Жамоамиз олдига Суперлигага чиқиш вазифаси қўйилган, бизда ҳозирги кунда Суперлига талабларига мос равишда инфратузилма шакллантирилмоқда. Энди ҳаммаси ўзимизга боғлиқ, қолган барча учрашувларда ғалаба қозонсак, насиб қилса Суперлига йўлланмасини қўлга киритамиз.

Бекзод Толибов ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +3