So’nggi yangiliklar

19:33Остон Ўруновдан рекорд!  1 19:05Алиризо Жаҳонбахш: "Ҳакамлик ҳақида ҳеч нима демайман"  2 18:38"Арсенал" МЮ кўзлаган футболчи учун курашда фаворит  0 18:17Мустақиллик Кубоги-2025 "Uz-Galaxy"да!  2 17:55"Ал Шабаб" "Милан" футболчисини сотиб олади  0 17:33Расман: Постекоглу – "Ноттингем Форест" бош мураббийи!  4 17:16Расман: Ўзбекистон U-23 терма жамоаси Осиё Кубогига чиқди!  22 17:08Ўзбекистон Эрон устидан қийин ғалабага эришиб, CAFA мусобақаси ғолибига айланган ўйиндан ГАЛЕРЕЯ  2 16:56U-23 Осиё Кубоги саралаш босқичи. Ўзбекистон Фаластинни қийинчилик билан мағлуб этди  57 16:36"Бухоро" "Навбаҳор" билан ўйинни уйида ўтказади  3 16:15МТЖ дарвозабонлар мураббийи: "Кападзенинг шартномасини билмайман, аммо мураббийлар штабининг шартномаси ЖЧ-2026 якунига қадар амал қилади"  5 15:47Эрон терма жамоаси мураббийи: "Бош ҳакамнинг қарорлари фақат Эрон зарарига бўлди. Қирғизистон ҳам ҳакамдан жабр кўрганди"  24 15:19Меҳди Тареми: "Ёмон воқеалардан сабоқ олиш сизни ривожлантиради"  14 14:51Тонали Гаттузо ҳақида: "У менга айтган ҳамма нарсани қадрлайман"  2 14:23Ла Лигада август ойининг энг яхши мураббийи маълум  0

Mirzad Mexanovich: Andijon muxlislariga yoqadigan o'yinlar namoyish etamiz Yangiliklar

Mirzad Mexanovich: Andijon muxlislariga yoqadigan o'yinlar namoyish etamiz

Teglar :  Mirzad Mexanovich
Andijon klubiga yangi taklif qilingan bosniyalik legioner Mirzad Mexanovich jamoa bilan mashg'ulotlarda faol ishtirok etmoqda.

O'zini ko'rsatish borasida ishtiyoqi baland bo'lgan ushbu futbolchi «Andijon» klubi matbuot xizmatiga birinchi intervyusini berdi.

- Mirzad, «Andijon» futbol klubiga xush kelibsiz! Bu siz uchun yangi chorlov. Jamoamizga kelib qo'shilishingiz haqida o'ylaganmidingiz?

- Avvalo tabrik uchun rahmat. Bu erga kelganimdan baxtiyorman. Klubimiz ishqibozlari O'zbekistondagi eng yaxshilari ekanligi haqida eshitgandim. Fursatdan foydalanib ularga o'z salomimni etkazmoqchiman. Nasib qilsa, klub bilan muxlislarimizni quvontira olamiz. Darhaqiqat, bu men uchun yangi chorlov. Qozoq mentalitetidan sal xabardor edim. SHu bois hozir fikrlarimni ruschada ifodalab beryapman. O'zbekona mentalitetni ham o'zlashtira olishimga ishonchim komil. Qozoq va o'zbeklar bir-biriga juda ham yaqin millatlar, turmush tarzlari ham yaqin. Bu xuddi bizning Bolqondagi bosniyalik, serb va xorvatlar kabi o'xshash. O'ylashimcha, o'zbek diyorida menda biror muammo bo'lmasa kerak.

- Bu futbolchilik faoliyatingizda O'zbekistondagi ilk tajriba bo'ladi. Ilgari ham xizmatingizga bizning jamoalardan takliflar bo'lganmi?

- Takliflar bo'lgan, ammo ish oxirigacha etmasdan qolgandi. Bu safar esa hammasi butunlay boshqacha bo'ldi.

- «Andijon» muxlislari O'zbekistondagi eng yaxshilari. Klub qaerda o'ynamasin, ular o'sha erda hozir bo'lishadi. O'z navbatida ishqibozlarimiz o'ta talabchan. Siz har jihatdan tayyormisiz?

- Rostini aytsam, CHimkentda ham yaxshi jamoa va muxlislar bo'lgan. Stadionda 10-18 ming muxlislar ko'z o'ngida o'ynaganmiz va bunday bosim qanday bo'lishidan xabardorman. Biz o'yinchilar aynan ishqibozlar uchun futbol o'ynaymiz. Umid qilamanki, «Andijon» muxlislariga yoqadigan o'yinlar namoyish etamiz.

- Ilgari o'zbek futboli haqida malumotlarga ega bo'lganmisiz?

- Ha, ancha-muncha xabarim bor edi. Boz ustiga yurtingizda bolqonlik ko'plab o'yinchilar o'ynab kelishadi. Masalan, Yovovich mening do'stim hisoblanadi. U bilan CHexiyada to'p surganman. Vaqti-vaqti bilan gaplashib turamiz. Umuman olganda, tanishlarim bilan suhbatlar orqali yurtingiz va u erdagi futbol haqida ancha bilib olganman.

- Aftidan, asosiy malumotlarni Yovovich orqali bilib olgan bo'lsangiz kerak?..

- Faqat u bilangina emas. «Andijon»dan taklif olganimdan so'ng chempionatingizni yaxshi biladigan boshqa tanishlarim bilan ham yozishdim, gaplashdim.

- O'z oldingizga qanday maqsadlarni qo'yyapsiz?

- Birinchi navbatdagi maqsadim — bu murabbiyning mendan ko'ngli to'lishiga erishishdir. Asosiy tarkibdan joy olishni xohlayman. Xudo xohlasa, murabbiy, sheriklarim va muxlislar oldida uyalib qolmaslikka harakat qilaman.

- Muxlislarimizga aytadigan gapingiz bormi?

- Ulardan klubimizni har doim qo'llab-quvvatlashda davom etishlarini so'rayman. O'z o'rnida biz ham ishqibozlarizga yoqadigan o'yinlar namoyish etishga harakat qilamiz va birgalikda yaxshi natijalarga erishamiz, degan umiddaman.

Reyting: +3   

Fikrlar

championat.asia
< so’nggi yangiliklarni ko’rish
Яндекс.Метрика