Mirjalol Qosimov: "Bo'ldi, Sardorni tinch qo'yinglar, iltimos"
25 avg 2022 23:56
Yangiliklar
![](https://championat.asia/upload/storage/714008_original.jpg)
![](/upload/storage/714008_220.jpg)
Mirjalol Qosimov: "Bo'ldi, Sardorni tinch qo'yinglar, iltimos"
O'yin haqida
- Yaxshi o'yin bo'ldi. Ekstra taymlar bo'lgani ham bunga isbot. O'yinni yaxshi boshlay olmadik, dastlabki 25 daqiqada o'yinimiz qovushmadi. O'ttizinchi daqiqalardan so'ng o'yinni qo'limizga oldik, topni nazorat qildik. Ikkinchi bo'lim to'liq nazoratimiz ostida o'tdi. Ammo birgina xato qimmatga tushishi mumkin edi. SHunga qaramasdan, yigitlar oxirgi daqiqagacha kurashishdi va kerakli natijalarga erishishdi. Biz muxlislar uchun o'ynaymiz. Barcha muxlislarimizga bizni qo'llab-quvvatlaganliklari uchun rahmat aytaman. Bundan keyin ham bizga muxlislik qilishlarini so'rab qolaman.
- "Metallurg" so'nggi yillarda AGMK uchun juda noqulay raqibga aylandi. Bu "Metallurg" sindromi" bilan bog'liqmi?
- Yo'q, men unday deb o'ylamayman. Menimcha eng ko'p rotaciya qiladigan murabbiy bo'lsam kerak. Tarkibdagi deyarli hammaga imkoniyat berishga harakat qilaman. Bu o'sha bog'lamlar orasidagi kamchiliklar hisobiga yuzaga kelayotgan holat bo'lsa kerak. Lekin oldimizga ikki frontda ham kurashim maqsadini qo'yganmiz. Kubok ham, chempionat ham OCHL yo'llanmalarini taqdim etadi. Oxrigacha harakat qilamiz.
- Sardor Rahmonov "Metallurg"ga qarshi oxirgi ikki o'yinda qizil kartochka olgandi. Bugun ham sal bo'lmasa yana qizil kartochka olishi mumkin edi. O'sha raqib darvozasi yaqinidagi "podkat"ni nazarda tutyapman...
- O'sha vaziyatda hech qanday qizil kartochka yo'q edi. Sardor shunchaki to'pga kurashdi. Oyoqqa sakraganda bu boshqa gap edi. Evropada ham bunday kurashlar juda ko'p bo'ladi. Futbol o'z-o'zidan kurashni talab qiladi. Bu shashka emas. Kurash bor joyda shunday vaziyatlar bo'lib turadi. Bu yigitlar shu futbol orqali oilasini boqadi. Ularning boshqa kasbi yo'q. Futbolda esa kurashishdan boshqa iloj yo'q. Tasavvur qiling, boksda urish mumkin emas deyishsa. U qanday sport bo'ladi? Bu normal holat. Bundan piar qilish kerak emas. Bo'ldi, Sardorni tinch qo'yinglar, iltimos. O'ynasin, to'pini tepsin, tamom.
- "Metallurg"ga qarshi ikki o'yinda ham AGMK katta ustunlikka erishgandi. Ammo...
- Sababi, o'sha o'yinlarda biz bir kishi kam bo'lib harakat qilgandik. 10 kishi bo'lib ham yaxshi harakat qilgandik. Bu bo'lib turadigan holat. Lekin avvalgi o'yinlarda imkoniyatlardan foydalana olmagandik. Bugun dastlabki 25 daqiqada yaxshi o'ynay olmadik. Buni tan olish kerak. Bu nafaqat menga, muxlislarga ham yoqmadi. Bugungi o'yin tarixga aylandi. Endi keyingi o'yin haqida bosh qotirishimiz kerak.
O’xshash yangiliklar
![AMP Logo](https://championat.asia/image/logo-amp.png)
Fikrlar