MilanNews: "Pioli yozda "Milan"ni tark etadi"

Anchadan buyon "Milan" boshqaruv postiga birinchi raqamli davogar sifatida "Leypcig"ning sobiq ustozi Ralf Rangnik ko'rilayotgan edi. "MilanNews" nashri xabariga ko'ra, "rossonerilar" rahbariyati Rangnik nomzodidan deyarli voz kechgan.

Ayni paytdda "Milan"ning ehtimoliy bosh murabbiyi sifatida 4ta mutaxassisning nomzodi ko'rib chiqilmoqda: Marselino Garsiya Toral, Unai Emeri, Jan Pero Gasperini va Luchano Spalletti.

Eslatib o'tamiz, 54 yoshli Pioli italyan klubini o'tgan yilning oktyabr oyidan beri boshqarib kelayotgan edi. Italiya A Seriyasining ortda qolgan 26 turidan keyin 36 ochko to'plagan "rossonerilar" musobaqa jadvalining 7-pog'onasidan o'rin egallagan.