Mikola Lapa: "Dinamo" bizdan bir bosh baland edi"

O'yin haqida nima deyishim mumkin, bugun tajribali raqib bizni mag'lub etdi. Bunga bir qator sabablar bor. Birinchisi raqib tajriba bobida bizdan yaqqol ustun. Men ular safida yosh futbolchilar borligini ko'rmadim. O'zim esa asosiy tarkibda besh nafar yosh futbolchini maydonga tushirdim. Zaxirada ham uch nafar yosh futbolchi maydonga tushdi. Biz hali Oliy Ligaga chiqishni maqsad qilgan jamoaga qarshi tengma-teng o'yin ko'rsata olish darajasida emasmiz. SHu bois Dinamo bizdan bir bosh baland edi. Bizning oldimizga qaysidir o'rinni olish maqsadi qo'yilgan emas. Asosiy maqsad 1997-1999 yillarda tug'ilgan futbolchilarga o'yin amaliyotini berish va ularni asosiy jamoamiz uchun tayyorlashdir. SHu yo'lda ishlashda davom etamiz - deydi Mashal-2 bosh murabbiyi Mikola Petrovich.