Mikel Arteta qay tarzda koronavirusga chalinganini aytib berdi
23 mar 2020 17:59
Yangiliklar
![](https://championat.asia/upload/storage/553373_original.jpg)
![](/upload/storage/553373_220.jpg)
Mikel Arteta qay tarzda koronavirusga chalinganini aytib berdi
"Hozir hammasi yaxshi, tuzalib ketganimni his qilyapman. Kasallik alomatlaridan xalos bo'lishim uchun 3-4 kun talab etildi. Men o'zimni yaxshi his qila boshladim, kuchga to'laman va endi ancha yaxshilanganimni sezmoqdaman.
Hammasi juda tez sodir bo'ldi. Seshanba kuni kunduzi o'zimni yomon his qildim va shifokorga bordim, ammo u yo'q edi. Mashg'ulotlardan so'ng mashinada ketayotganimda meni direktorlar kengashidan chaqirishdi. Menga "Olimpiakos" prezidenti Evangelos Marinakis ijobiy test topshirganini va u bilan aloqada bo'lgan barcha xavf ostida ekanligini aytishdi.
Men ham o'zimni yaxshi his qilmayotganimni aytdim. Ko'plab o'yinchilarimiz "Olimpiakos" futbolchilari bilan aloqada bo'lgan edi. Ertasi kuni "Manchester Siti" bilan o'yinimiz bor edi va hech narsani aytmasdan ko'pgina odamlarning hayotini xavfga qo'ya olmasdik.
O'tgan chorshanba kuni esa test topshirdim, juma kuni tashhis qo'yildi va biz Premer-ligaga test natijalarim ijobiy chiqqanligi haqida xabar berishimiz kerak edi. Men bilan aloqada bo'lgan barcha karantinga olinishi aniq edi va o'yinlar to'xtatilishi kerak edi", - deydi Arteta.
O’xshash yangiliklar
![AMP Logo](https://championat.asia/image/logo-amp.png)
Fikrlar