“Metallurg” yoshlari xotira turnirlari g'olibi

O'tganlarni yodga olish, ular amalga oshirib ketgan ishlarni eslash juda yaxshi odat. O'zbek futbolida o'ziga xos iz qoldirgan, oramizdan vaqtli ketgan insonlar oz emas. Yaqinda Bekobodda hamda Yangierda shunday tadbirlar o'tkazildi. Uzoq yillar “Metallurg”da samarali mehnat qilgan, jamoaning tiklanishi va kuchlilar safida borishida o'zining sayi harakatlari bilan munosib hissa qo'shib kelgan SHamil Tolipov xotirasiga bag'ishlangan turnir bo'lib o'tdi. Unda “Metallurg”, “Olmaliq”, “Bunyodkor” hamda “Yangier” futbol maktablari tarbiyalanuvchilari bahs olib borishdi. Yarim final bosqichida poytaxtliklar Yangier vakillarini, “Metallurg” yoshlari esa olmaliqliklarni mag'lubiyatga uchratishdi. Final o'yini “Metallurg” stadioni uyushtirildi va tezkor, qarama-qarshi hujumkor tarzda o'tganligi bilan yodda qoldi. Bu o'yinda bekobodliklar 2:1 hisobida g'alaba qozonishdi va bosh sovrinni uyda olib qolishdi.

Turninda qatnashgan barcha jamoa vakillari esdalik sovg'alari, diplom hamda mukofotlardan quruq qolishmadi. Taqdirlash marosimida “Metallurg” futbol klubi rahbariyati, SHamil Tolipovning oila azolari ishtirok etishdi. So'zga chiqqanlar SHamil Jo'raboevichning ajoyib xislatlarini tilga olishdi, samimiy, oliyjanob inson bo'lganliklarini aytib o'tishdi. Mazkur musobaqa ananaviy bo'lishiga va har yili “Xotira hamda qadrlash kuni” arafasida o'tkazidishiga kelishib olindi.

Yangier shahrida esa Baxtiyor Davlatov xotirasiga bag'ishlab o'tkazilgan turnirda ham “Metallurg” yoshlari zafar quchishdi.

"Metallurg" matbuot xizmati