“Metallurg” yoshlari birinchi davrani g'alaba bilan yakunlashdi

Qiziqarli va murosasiz ruhda kechgan o'yinda mehmonlar 4:3 hisobida g'alaba qozonishdi.

O'yin maydon egalarining tezkor hujumlari bilan boshlandi va ular 2-daqiqadayoq Bobir Ergashevning aniq zarbasi evaziga hisobni ochib olishdi. Tezda maydon markazini qo'lga olgan bekobodliklar oradan yigirma daqiqa o'tgach, Muhammadjon Sultonovning ajoyib zarbasi evaziga hisobni tenglashtirishdi. Birinchi taym tugaguncha mehmonlar yana ikki marta muvaffaqiyat qozonishdi. Dastavval tajribali Dilmurod Karimov madanchilarni hisobda oldinga olib chiqqan bo'lsa, birinchi taymning so'nggi soniyalari o'tib borayotganda Zuhrillo Boboev farqni ikki to'pga oshirdi. 69-daqiqada Zokir Ahmadjonov tomonidan kiritilgan goldan keyin hisob yirik ko'rinish olgandi – 4:1. Biroq aynan shu xotirjamlik bekobodliklarga qimmatga tushdi. So'nggi 20 daqiqa mobaynida maydon egalari hisobni minimal darajada qisqartirib olishgach, so'nggi soniyalar biroz asabiy tarzda kechdi. SHunday bo'lsa-da, “Metallurg” g'alabali hisobni saqlab qolishga erishdi – 4:3.

Lokomotiv (Toshkent) – Metallurg (Bekobod) – 3:4 (1:3). TTYMI stadioni.
Hakam: A. SHukurullaev (Toshkent)
Nazoratchi: S. Najafaliev (Toshkent).
Gollar: B.Ergashev (2, 72), V.Yunusov (76) – M.Sultonov (22), D.Karimov (30), Z.Boboev (45), Z.Ahmadjonov (69).

"Lokomotiv": 96. R. Nortojiev, 7. B. Tillaboev, 8. U. Safarov, 10. B. Abdullaev, 18. R. Hamroev, 21. A. SHeraliev, 22. U. Abdullaev, 31. O. Muhammedov, 41. L. Adamov, 70. B. Ergashev, 77. D. Ergashev
Zaxira: 1. V. Vagin, 17. SH. Mo'minqulov, 28. E. Tanaev, 68. V. Yunusov, 87. YU. SHoimov, 97. SH. Sobirov

“Metallurg”: Timurbek To'ychiev, Asomiddin Abdurahmonov, Kamronbey Kopadze, Dilmurod Karimov, Ulug'bek Xudoyorov, Mansurjon Nuraliev, Muhammadjon Sultonov, Umid Rahimov, Abrorbek Toshqo'ziev, Xudoyshukur Sattorov, Zuhrillo Boboev.
Zahira: Akobir Qayumov, Zokirjon Ahmadjonov, Muhammadodil Qahramonov, Farhod Namozov, Aram Markaryan, Visol Magerramov.