Mesut O'zil murabbiy bilan kelishmovchilik sabab "Fenerbaxche" tarkibidan chiqarib tashlandi

"Fenerbaxche" klubi 33 yoshli yarim himoyachi Mesut O'zilning tarkibdan chiqarib tashlanganini malum qildi. Aynan shunday chora Ozan To'fonga ham qo'llangandi. Klub bunining sababini ochiqlamagan. 

Ammo Football London nashrining yozishicha, Turkiya chempionatining 30-turidan o'rin olgan "Fenerbaxche" va "Konyaspor" jamoalari o'rtasidagi o'yinda O'zil jamoaa murabbiyi Ismail Kartal bilan bahslashib qolgan. Mesut birinchi bo'limdan so'ng zaxiraga olingandi. 

Hozirda Mesut O'zil va Ozan To'fon asosiy jamoa bilan mashg'ulot o'tkaza olishmayapti. Agar "Fenerbaxche"ga yangi murabbiy kelmaydigan bo'lsa, O'zil katta ehtimol bilan o'ziga yangi klub izlashiga to'g'ri keladi.