Maksim SHackix "Paxtakor" tarixida eng ko'p akademiya tarbiyalanuvchisidan foydalangan murabbiy bo'ldi

Bu bahs o'ziga xos sabab bilan klub tarixiga kiradigan bo'ldi.  

"Asosiy tarkibning 11 nafar futbolchisi ichida Sanjar Quvvatovdan tashqari qolgan barcha futbolchilar "Paxtakor" akademiyasi tarbiyalanuvchilari bo'ldi. Bu 9 nafar futbolchimiz ayni paytda Ravshan Haydarov qo'l ostida O'zbekistondagi Osiyo chempionatiga tayyorlanayotgan bir paytdagi vaziyat.

Kechagi tarkibga nazar tashlasak, u erda Muhammadqodir Hamraliev (2001, Stanislav Kudryashov), Diyor Xolmatov (2002, Timur Alimxo'jaev va Dilshod Nuraliev)ni katta futbolchi sifatida ko'ramiz. Vaholangki, bular endi 21-22 yoshni qarshi olyaptilar. 2004 yilda tavallud topgan va Olim SHokirov qo'l ostida katta bo'lgan Abdumajidov, Poyonov, Todorov, O'ktamov, Beglarxonov hamda Turdimurodov. Farhod Nishonovning 2005 yilda tarbiyalaganlaridan O'rinboev va Saidnurullaev. Yana o'yinda qatnashmaganlar orasida Xojiakbar Alijonov (1997, Jasur Abduraimov) va SHahzod Azmiddinov (2000, Timur Olimxo'jaev).

"Paxtakor" jamoasining falsafasi akademiyadan tavallud topgan jamoalar bilan chempion klub yaratish. 

Albatta, bu ish buguncha o'rtoqlik o'yinida amalga oshdi. Umid qilamiz, klubimiz menejerlari va bosh murabbiy Maksim SHackix yordamida Superliga, keyinchalik OCHLda ham mana shunday natijaga erishamiz", - deyiladi klub matbuot-xizmati xabarida.