Luka CHermel: “Superliga va Kubokka bor etiborimizni qaratamiz”

Xo'sh, “So'g'diyona” bundan buyog'iga qanday maqsadlar sari qadam tashlaydi. Bularni bilish istagida jamoaning serbiyalik legioneri Luka CHermel fikrlariga quloq tutdik. 

"Biz raqibdan ancha ustun edik. Deylik, uchrashuvning har bir qismida ulardan ustunlik qildik, finalga xotirjam yo'l olishimiz mumkin edi. To'g'risi, bizga omad kelmadi. Agarda imkoniyatlarimizdan to'g'ri foydalana olganimizda, finalga chiqa olardik. Raqib penaltiga qadar borishni rejalashtirgan holda o'ynadi va maqsadiga erishdi. 

OFK kubogidan chiqib ketgan bo'lsak-da, stadionda bizni tinimsiz ravishda qo'llab-quvvatlagan barcha muxlislarimizga minnatdorchilik bildiramiz. 

Endilikda Superliga va O'zbekiston kubogiga etibor qaratamiz. Aytaylik, Superligada medallar uchun kurashamiz. Kubokda esa g'olib chiqish asosiy maqsadimiz. 

“Nasaf” bilan juda muhim o'yin bo'ladi. Biz uzoq vaqtdan beri g'alaba qozona olmadik. Bunga qaysidir manoda psixologik sabablarga ko'ra, shunday bo'ldi. Bu o'yinda uch ochkoga harakat qilamiz", - dedi CHermel.