“Lokomotiv” stadionida oilaviy suratga tushing va Samarqandga oilaviy sayohat qiling

“Lokomotiv” futbol klubi ham ushbu yo'nalishda olib borilayotgan barcha islohotlarni qo'llab-quvvatlaydi.

Oldinroq xabar berib o'tganimizdek Pepsi Superligasining 11 turida “Lokomotiv” va “Buxoro” jamoalari o'zaro kuch sinashadilar. Ushbu o'yinda siz qimmatbaho yutuqlarni qo'lga kiritish bilan birga farzandlaringiz bilan maroqli hordiq chiqarishingiz mumkin.
“Lokomotiv” futbol klubi va klub bosh homiyi O'zbekiston Temir Yo'llari AJ tomonidan  stadionga oilaviy tashrif buyurgan muxlislar uchun ham alohida o'z sovrinlarini yutuq sifatida taklif etadi.

Siz muxlislardan faqat oilaviy tarzda suratga tushib uni “Lokomotiv” matbuot xizmatiga yuborsangiz kifoya. Siz yuborgan rasmlar klubning rasmiy Telegram kanalida elon qilinadi va ovoz berish yo'li bilan aniqlanadi. Eng ko'p ovoz olgan oilaviy rasm egasi esa farzandlari bilan Samarqand shaxriga 4 kishilik “Afrosiyob” poezdida sayohat qilish imkoniyatiga ega bo'ladi. SHu bilan birga ushbu rasm stadionda joylashgan katta ekranda va stadion hududiga namuna sifatida qo'yiladi. Yutuqlar soni va boshqa imkoniyatlar turdan turga ko'payib boradi. Imkoniyatni qo'ldan boy bermang va stadionga tashrif buyuring.

Eslatib o'tamiz, “Lokomotiv” – “Buxoro” uchrashuviga kirish tekin. CHiptalar “Lokomotiv” stadioni kassalarida tarqatiladi. O'yin 11 may kuni soat 20:30da boshlanadi. Barcha futbol ishqibozlarini oilaviy tashrifini kutib qolamiz.