"Lokomotiv": Idiatullindan Kapadzegacha

TTZdagi “Lokomotiv” stadionida bo'lib o'tgan bahsda “temryo'lchilar” “Olmaliq”ni 4:1 hisobida mag'lub etishdi. Qizig'i shundaki, mazkur uchrashuvda uchinchi golga mualliflik qilgan Timur Kapadze “Lokomotiv”ning oliy ligadagi 450-golini raqib darvozasiga kiritdi. Bu o'yingacha 2004 yildan beri oliy ligada ishtirok etib kelayotgan “Lokomotiv” raqiblar darvozasiga 447ta to'p kiritgandi.

Kechagi bahsda Mo'ydin Mamazulumov hisobni ochgan bo'lsa, Oleg Zoteev hisobni 2:1 ko'rinishga keltirdi. Keyinchalik “Loko” sardori Timur Kapadze jamoasining uchinchi to'pini kiritdi. Va o'yinga yakuniy nuqtani Marat Bikmaev qo'ydi – 4:1. SHunday qilib “Lokomotiv”ning oliy ligada urgan gollari soni 451taga etdi va Kapadze 450-gol muallifi bo'ldi.

Quyida “Lokomotiv”ning oliy ligadagi yubiley gollarini keltirib o'tamiz:

1-gol. Marsel Idiatullin (2004 yil)
50-gol. Marsel Idiatullin (2005 yil)
100-gol. O'lmas Ikromov (2006 yil)
150-gol. Ilnur Xazigaliev (2008 yil)
200-gol. Muzaffar Umrzoqov (2009 yil)
250-gol. Zayniddin Tojiev (2012 yil)
300-gol. Farhod Tojiev (2013 yil)
350-gol. Ivan Nagaev (2014 yil)
400-gol. Damir Koyashevich (2015 yil)
450-gol. Timur Kapadze (2015 yil)