Legionerlar: Ahmedov va Musaev jamoalari durang o'yinadi, Denisov jamoasi g'alaba qozondi

Rossiya

Rossiya chempionatining 6-tur o'yinlari doirasida O'zbekiston milliy terma jamoasi himoyachisi Vitaliy Denisov to'p tepadigan Moskvaning “Lokomotiv” jamoasi “Ufa”ni safarda yirik hisobda mag'lub etdi. 3:0 hisobidagi g'alaba qozonilgan o'yinda Denisov asosiy tarkibda maydonga tushib, 86-daqaqiqagacha harakat qildi. Ushbu g'alabadan keyin “temiryo'lchilar” 14 ochko bilan turnir jadvalida ikkinchi o'rinni egallab turibdi.

Terma jamoa yarim himoyachisi Odil Ahmedov faoliyat olib borayotgan “Krasnodar” futbol klubi o'z maydonida “Mordoviya”ni qabul qildi. Ushbu o'yinda hisob ochilmadi. Ahmedov o'yinni asosiy tarkibda boshlab, 90 daqiqa davomida harakat qildi. O'zbekiston terma jamoasi yarim himoyachisi ushbu o'yinni juda yuqori saviyada o'tkazdi. 6-turdan keyin “Krasnodar” turnir jadvalining 6-pog'onasidan joy olgan.

Janubiy Koreya

Janubiy Koreya chempionatida 27-tur uchrashuvlari o'tkazildi. 22 avgust kuni O'zbekiston milliy terma jamoasi yarim himoyachisi Server Jeparovning “Ulsan” jamoasi “Suvon”ga qarshi safarda o'ynab, 1:3 hisobida mag'lub bo'ldi. Jeparov o'yinni dastlabki daqiqalaridan boshlab harakat qilib, 71-daqiqagacha o'ynadi. Bir tur avval o'tkazilgan “Poxang”ga qarshi uchrashuvda esa Server Jeparov kiritgan gol “Ulsan”ga bir ochko keltirgandi.

Eron

Eronning “Sepaxon” klubida faoliyat olib borayotgan O'zbekiston terma jamoasi yarim himoyachisi Fozil Musaev mamlakat birinchiligi 4-tur o'yinlari doirasidagi “Fulad”ga qarshi o'yinda ilk daqiqalardan maydonda harakat qildi va o'yinni to'liq o'tkazdi. Uchrashuv 1:1 hisobidagi durang bilan yakun topdi. O'tkazilgan to'rt o'yindan keyin Musaev to'p tepadigan jamoa turnir jadvalida karvonboshilik qilmoqda. Jamoa hisobida 10 ochko bor.

Qozog'izton chempionatida ishtirok etayotgan Aleksandr Geynrix “Irtish”ga qarshi o'yindagi qo'polligi uchun 3 o'yinga diskvalifikaciya qilingan edi. Ammo keyinchalik uch o'yinlik diskvalifikaciya bekor qilindi va Geynrix faqat bir yo'inni o'tkazib yuboradigan bo'ldi.