Kurtua "Al Hilol" bilan durang bo'yicha tushuntirish berdi

"Real" darvozaboni Tibo Kurtua jamoaning Saudiya Arabistonining "Al Hilol" klubiga qarshi Klublar o'rtasidagi JCHdagi ilk uchrashuvi haqida fikr bildirdi. Uchrashuv 1:1 hisobida yakunlandi va qo'shib berilgan vaqtda Federiko Valverde penaltini golga aylantira olmadi.

"Birinchi bo'limda juda sekin o'ynadik va o'z ritmimizni topishda qiynaldik, ular esa yaxshiroq harakat qilishdi. Biz gol urishga muvaffaq bo'ldik, ammo ular penalti orqali hisobni tenglashtirdi. O'ylaymanki, ikkinchi bo'limda yaxshiroq to'p tepdik. Agar xuddi shu ruhda davom etsak, bir nechta uchrashuvlarda g'alaba qozonamiz", – dedi Kurtua.

FIFA Klublar o'rtasidagi Jahon chempionati 2025 yilning 15 iyunidan 13 iyuliga qadar AQSHda bo'lib o'tadi. Turnirda sakkiz guruhga bo'lingan holda 32 ta jamoa ishtirok etmoqda. Har bir to'rtlikdan ikkita eng kuchli jamoa pley-off bosqichiga yo'l oladi.

"Real"ning keyingi o'yini 22 iyun kuni "Pachuka"ga qarshi kechadi.