Kolumbiya - Urugvay 2:0. MATNLI TRANSLYACIYA

Kolumbiya - Urugvay 2:0
29 iyun. 01:00

Bosh hakam: Byorn Kuypers (Gollandiya)

Yordamchi hakamlar: Sander Van Rokel (Gollandiya), Ervin Zeynstra (Gollandiya)

Zaxira hakami: Sveyn Oddvar Mun (Norvegiya).

Gollar: Xames Rodrigez (28, 50).

Kolumbiya: Ospina, Zapata, Yepes, Sanches, Armero, Agilar, Guterrez (Mejia, 68), Rodrigez (Ramos, 85), Kuadrado (Guarin, 80), Cuniga, Martinez.

Urugvay: Muslera, Godin, Alvaro Pereyra (Gaston Rodrigez, 52), Rodrigez (Ernandez, 67), Forlan (Stuani, 52), Ximenez, Pereyra, Arevalo, Gonzalez, Kavani, Kaseres.

Ogohlantirish: Ximenez (55), Lugano (77).

                              MATNLI TRANSLYACIYA
                                       YANGILASH


Barchaga etibor uchun tashakkur! Sog' va salomat bo'ling, Aziz futbol ishqibozlari!

UCHRASHUV YAKUNLANDI! Kolumbiya terma jamoasi chorak final chiptasini qo'lga kiritdi! Urugvay esa Suarez ketidan o'z yurtiga qaytib ketadi....


90` Uchrashuvga 3 daqiqa vaqt qo'shib berildi.

89` Armero chap qanotdan Kolumbiyaning hujumini rivojlantirdi. Lekin uning uzatib bergan to'piga jamoadoshlari etib kela olishmadi. Hisob yiriklashishi mumkin edi...

88` Kolumbiya jarima maydonchasi ichiga kiradigan barcha to'plarni Ospina egallab olmoqda.

85` Uchrashuv qahramoni Xames Rodrigez o'z o'rnini Ramosga bo'shatib berdi.

83` KAVANI! OSPINA! Kuchli zarba va Ospina yana jamoasi goldan saqlab qolmoqda.

81` Kuadrado o'z o'rnini Guaringa bo'shatib berdi.

79` Maksi Pereyra ajoyib imkoniyatga chiqib bordi va to'pni Ospina qo'riqlayotgan darvozaga yo'lladi. Lekin yana Ospina jonbozlik ko'rsatib, jamoasini goldan qutqarib qoldi.

78` Urugvay zaxirasida o'tirgan Diego Lugano yo'q joydan o'ziga sariq kartochka ishlab oldi.

76` Urugvaylik futbolchilar ushbu standart vaziyatini ham ko'kka sovurishdi. 

75` Stuanining zarbasi Ospina uchun ancha noqulay keldi. Kolumbiyalik posbon to'pni maydon tashqarasiga chiqarib yubordi.

72` Kolumbiya mazmunliroq o'ynamoqda. Urugvay esa hujumlarini rivojlantirishda ko'p xatolarga yo'l qo'ymoqda.

70` Urugvay ancha jonlandi. Ketma-ket hujumlar tashkil etildi. Lekin hozircha bular samara keltirmayapti. Rodrigezning yo'llagan zarbasiga aniqlik etishmadi.

68` Guterres o'rniga Mejia tushdi.

67` Alvaro Gonzalez o'rniga Abel Ernandes tushdi.

65` Urugvay hujum tashkil etdi. Uzoqdan yo'llagan zarbani Ospina bartaraf etdi.

64` Urugvayga katta ishtiyoq etishmayotgandek. Luis Suarezsiz qolgan Urugvay anchagina kuchsiz ko'rinarkan...

62` O'yin tempi tushib ketdi. To'p asosan maydon markazida o'ynalmoqda.

60` Urugvay hozircha hech narsa qila olmayapti.

59` Gonzales statistika uchun zarba berdi va to'pni Ospina ushlab oldi.

57` Kolumbiya ushbu standart vaziyatidan naf chiqara olmadi.

55` Ximenez hakam tomonidan ogohlantirish oldi. Kolumbiya yana bir imkoniyatga ega bo'lmoqda. Xavfli nuqtadan jarima zarbasi.

53` Urugvay tarkibida o'zgarishlar. Diego Forlan o'rniga Stuani, Alvaro Pereyrani Gaston Rodrigez almashtirmoqda.

51` Ajoyib hujum va chiroyli kombinacion gol! Kuadrado boshi bilan Xames Rodrigezga "skid" qildi va Xames qulay vaziyatdan unumli foydalana oldi.

50` GOOOOOOOOOOOOOOOOOOOOOOOOOOOL! XAMES RODRIGEZ!

49` Kolumbiya jarima zarbasidan so'ng burchak to'pini amalga oshirdi. Urugvaylik himoyachilarning faolligi evaziga ushbu hujum bartaraf etildi.

47` Urugvay burchak to'pini amalga oshirdi. Lekin barchadan ildamroq harakat qilgan Ospina to'pni egallab oldi.

46` Ikkinchi taym boshlandi!

O'yin oldidan Kavani va Suarezning libosi...

Uxlab qolmanglar, ikkinchi taymda bizni dramatik o'yin turgan bo'lishi mumkin! Ertalab turib "eh attang, kecha ko'rsam bo'larkan" - deb qolmang deymizda...

Birinchi bo'lim tugadi! TANAFFUS!

45` Birinchi bo'limga 1 daqiqa vaqt qo'shib berildi.

43` Kolumbiyaning chap qanotdan rivoj olgan hujumini Muslera to'xtatib qoldi.

41` Urugvayni o'yini o'zgardi. Jamoa ko'roq oldinga bormoqda. Lekin hujumlarni yakunlashga kelganda biroz oqsashmoqda.

39` Gonzalezning darvozaga yo'llagan xavfli zarbasini Ospina qaytarib qoldi. Xavfli vaziyat!

38` CHUR-PUR! Diego Forlan Yepes bilan kelisholmay qoldi. Tinchlaninglar o'rtoqlar! Tinchlik kerak! Futbol o'ynanglar...

37` Takroriy lavhada Muslerani ko'rsatishmoqda. Qo'lidagi qo'lqopga qarab, ehhh deb qo'ydi.  Qo'lqopda nima ayb?

36` Urugvaylik futbolchilar: "Kolumbda bor alamim mani, Urugvay vatanim mani..." deb hujumga o'tishmoqda...

34` Urugvay jarima zarbasi tepdi. Kavani amalga oshirgan ushbu standart vaziyati jamoasiga naf keltirmadi.

32` Goldan birozgina avval bizga "uxlatadigan" futbol emas, "uyg'otib" yuboradigan o'yin kerak degandik! SHu jumlani yozishim bilanoq Xames Rodrigez "lyuboy" odamni "uyg'otib" yuboradigan gol kiritdi! Qoyil lekin!

31` Buyog'i endi Siz va biz xohlagandek kechishiga shubha yo'q! Urugvay ham jonlandi! Urugvayni Xamesning super goli uyg'otib yubordi shekilli!

Ajoyib gol! Dahshatli zarba! Xames Rodrigez to'pni qabul qilib olib, erga tushirmasdan darvoza tomon yo'naltirdi! Ajoyib traektoriya bilan to'p darvozadan joy oldi! SUPER GOL!

28` GOOOOOOOOOOOOOOOOOL! GOOOOOOOOOOOOOOOL! GOOOOOOOOOOOOOOOOL! XAMES RODRIGEZ!!!!!

28` Futbol muxlislarini "uxlatib" qo'yadigan o'yin emas, uyg'otib yuboradigan bahs kerak!

26` Sal jonliroq o'yin ko'rsatishsa yaxshi bo'lardi. Hozircha o'yin tempi yuqori emas. Uchrashuvning ichki dinamikasi yuqori darajada faqat.

Cuniga urugvaylik futbolchilar uch kishi bo'lib to'xtatib qolishmoqda


22` Kolumbiya burchak to'pi tepdi. Xames Rodrigez amalga oshirgan ushbu standart vaziyatidan so'ng Zapata boshi bilan darvozaga zarba yo'lladi. Ammo to'p yo'liga Godin to'g'anoq bo'ldi.

20` Stadionga yig'ilgan muxlislar "to'lqin" tashkil etishmoqda. Juda chiroyli manzara!

19` Urugvay juda ehtiyotkorlik bilan o'ynamoqda. Kavani jamoadoshlari hujumga o'tishga umuman shoshilishmayapti.

17` Kolumbiya so'nggi ikki daqiqadan buyon to'pni raqibiga bermayapti. Lekin Urugvay himoyasini yorib o'tish ularga hozircha nasib etmayapti.

15` Cuniga! Ha aynan ushbu futbolchi hozircha faolroq. To'pni egallab olishi bilan raqiblarini dog'da qoldirishga kirishib ketmoqda.

14` Urugvayga haqiqatdan ham Suarez etishmayapti.

13` Urugvay to'pni egallab olishi bilan tezda uni yo'qotib qo'ymoqda. Jamoa o'yinida ko'p uzilishlar yuzaga kelmoqda.

12` Kolumbiyaning navbatdagi hujumi. Armero tomon uzatilgan to'pga kolumbiyalik himoyachi etib kela olmadi.

11` Ilk zarba! Cuniga hozir Muslerani tekshirib ko'rdi. Uzoqdan yo'llangan zarbani Muslera ikkinchi urinishda egallab oldi. 

10` Hozircha xavfli vaziyatlar kuzatilmayapti. Jamoalar asosan ehtiyotkorlik bilan o'ynashmoqda. Bir-birini o'rganish jarayoni davom etmoqda.

9` Nihoyat urugvaylik futbolchilar to'pni his etishmoqda. O'yinni o'z jarima maydonchalari oldidan uzoqlashtirishga erishishdi.

8` Kolumbiya faol. Kolumbiya ko'proq hujum tashkil etmoqda. To'p ham ularda. Urugvay hozircha to'psiz harakatlanmoqda.

7` Cuniga hozir Urugvayning bir-yo'la ikki futbolchisini ortda qoldirib oldinga qarab ketayotganida uni chalib yiqitishdi.

6` Xamesning jarima etkazib bergan to'pini Muslera bartaraf etishni uddasidan chiqdi. To'p yana kolumbiyaliklarda.

5` Kolumbiya jarima zarbasi tepish huquqini qo'lga kiritdi.

4` Xames Rodrigez ismli futbolchiga bugun urugvaylik himoyachilar katta etibor qaratishlari aniq. Aynan ushbu futbolchi Kolumbiyaning muvaffaqiyatli o'yinlarining bosh sababchisi hisoblanmoqda.

3` To'p asosan kolumbiyaliklarda. Urugvay hozircha to'pni raqibdan olib qo'yish choralarini qidirmoqda.

2` Kolumbiya hujumga o'tmoqchi bo'ldi. Lekin ularning birinchi urinishlari besamar yakunlandi.

1` UCHRASHUV BOSHLANDI! Umid qilamizki, jamoalar super bellashuvni taqdim etib berishadi! Har ikkala jamoaga omad tilab qolamiz! Urugvay to'pni o'yinga kiritib berdi. Boshladik...

Aytgancha, bugun Urugvay tarkibida Luis Suarez ismli futbolchi yo'q. Kolumbiyalik futbolchilar qo'rqmasdan bemalol futbol o'ynashlari mumkin :-)

Ananaga muvofiq har ikkala terma jamoa davlat madhiyalari yangrab o'tadi.

Jamoalar maydonga chiqib kelishmoqda.

Assalomu aleykum qadrli futbol ishqibozlari! Yozning issiq kunlarida mundialning eng qaynoq o'yinlari bo'lib o'tmoqda. Yana bir necha daqiqalardan so'ng jahon chempionati 1/8 final bosqichi uchrashuvi Kolumbiya - Urugvay bellashuvi boshlanadi. Ushbu ikki jamoalardan biri bugun mundialni tark etadi va omadlisi chorak finalda  Braziliya bilan to'qnash keladi. Ushbu savollarga javobni  kamida 90 daqiqalik qizg'in bahsdan so'ng bilib olamiz! Ushbu o'yinni matnli translyaciyasini Sizga SHahboz Beg'amov taqdim etadi! 


- O'yin soat 01:00da boshlanadi.