So’nggi yangiliklar

13:35"Манчестер Юнайтед" Де Хеани қайтармоқчи  1 13:10Перес "Реал" мураббийлигига Хаби Алонсо эмас, бошқа бир испаниялик собиқ футболчини олиб келмоқчи  3 12:36Саудия Арабистони клубларининг навбатдаги нишони — "Челси" ярим ҳимоячиси  0 12:11Футзал. Бугун Хитой – Ўзбекистон учрашуви бўлиб ўтади  0 11:26Иброҳим Ибрагимов: "Янги мураббий билан адаптация жараёни кетмоқда, унга вақт керак"  1 11:09Маҳмуд Маҳамаджонов: "Мавсум аввалида ўз ўйинимизни топиб олишга қийналдик"  0 10:53БАА терма жамоаси бош мураббийлигига яна бир номзод пайдо бўлди  4 10:26ПФЛ янги мавсумда Суперлиганинг ой футболчисини қандай аниқлашини маълум қилди  6 09:55Кечаги учрашувда Ҳусанов нега қайдномадан ҳам жой олмагани очиқланди  20 09:29Карлуш Кейруш яна Осиё терма жамоасини бошқариши мумкин  13 08:58«Манчестер Сити» ёзда 100 миллион евролик ҳимоячи сотиб олмоқчи  7 08:31Суперлига. 5-тур учрашувлари бошланиш вақтлари  1 08:00Про лига. Бугун мавсумга старт берилади  0 07:45Туркия кубоги. "Фенербаҳче" ўз майдонида мағлуб бўлди, Санчез сўнгги дақиқада "Галатасарой"ни қутқарди  1 07:33U-17 Осиё кубоги. Бугун ўсмирларимиз ўз юришларини бошлайди  6

Karpenko: "Murabbiy uchun shogirdining kuchliroq jamoaga o'tishi katta yutuq hisoblanadi" Yangiliklar

Karpenko: "Murabbiy uchun shogirdining kuchliroq jamoaga o'tishi katta yutuq hisoblanadi"

Coca Cola Superligasi 17-turi doirasidagi "Dinamo" - "Bunyodkor" (1:2) o'yinidan keyin Viktor Karpenko o'z fikrlari bilan o'rtoqlashdi.



Jamoamiz yaxshi o'yin ko'rsatdi. 1-taymda yana keraksiz golni o'tkazib yubordik. Ko'p imkoniyatlarga ega bo'lib, gol urdik va o'yin bo'yicha bugun g'alabaga haqli edik, bu ko'rinib turibdi. Ammo ko'plab vaziyatlar, inobatga olinmagan gol va noaniq penalti – bu bizning og'riqli nuqtamiz. Uyimizda ham penaltini ura olmagandik, endi safarda ham bu yuz berdi. Yigitlarga tasanno, ularga rahmat. SHuningdek, Toshkentdan bizni qo'llab-quvvatlash uchun kelgan muxlislarimizga alohida minnatdorchilik bildirmoqchimiz. Yigitlar g'alabaga chanqoqligi ko'rinib turgandi, ishqibozlarimizga ham maydondagi harakatlarimiz orqali ko'rsatgan o'yinimiz maqul keldi.

- Bugun siz uchun oxirgi o'yin bo'lishi mumkinligini aytgandingiz. Oxirgi imkoniyat bo'lishi va futbolchilaringiz shuni bilgan holda harakat qilishdi. Bu to'g'rimi?

- Vazifani vaqtincha bajaruvchi lavozimda ekanligimni tushunishingiz kerak. Birinchi yoki oxirgi o'yinmi, men murabbiy vazifasini bajarmoqdaman. Menda bosh murabbiy uchun shartnoma yo'q. O'z ishimni qilyapman. Rahbariyat esa meni bosh murabbiy etib tayinlashi yoki o'rnimga tajribaliroq mutaxassisni olib kelishni hal qiladi. Yigitlarga maydonda qanday harakat qilish kerakligini o'rgatyapman, ayrim jihatlar o'xshamoqda, boshqalari yo'q. Har bir keladigan murabbiy istefoga tayyor turishi kerak, chunki abadiy hech narsa bo'lmaydi. Har doim natijalar yoki jamoaviy o'yin maqul kelmaydi, shu tufayli kuchliroq mutaxassisni izlashadi. Fikrimcha, bugun yigitlar “Bunyodkor” uchun o'ynashdi, chunki endi pasayishga haqqimiz yo'q. Bugun futbolchilar men so'ragan futbolni namoyish etishdi: qo'rqmaslik va futboldan zavq olish. Ular buni uddalashdi. Bugun biz uchrashuvning o'zidan va o'yinchilarning harakatlaridan zavqlandik. Bu futbolchilar va murabbiy uchun eng oliy maqtov hisoblanadi.

- CHindan ham “Bunyodkor”ning yosh futbolchilari o'yindan zavq olganini kuzatdik. Ko'rdikki, Umarali jamoangizda asosiy rolni bajarmoqda, u “Rubin” qiziqishlari doirasida. Murabbiy sifatida uni yo'qotish sizga qanday tasir ko'rsatadi: salbiy yoki ijobiy?

- Umaralini o'zim o'rinbosarlar jamoasiga olib kelganman. Va murabbiy uchun shogirdining kuchliroq jamoaga o'tishi katta yutuq hisoblanadi. Rivojlanishda davom etishimiz kerak. Qancha ko'p legionerlarimiz bo'lsa, ular kuchli chempionatlar va yaxshi jamoalarda o'ynasa, bu terma jamoamiz uchun ham foyda bo'ladi. Biz esa o'yinchilarimiz darajasi o'sishi, Evropaning etakchi klublarida o'ynashi tarafdorimiz. Buni uddalay olamiz, ammo buning uchun murabbiylar shtabi bilan yanada yaxshiroq ish olib borishi lozim. U akademiyamiz tarbiyalanuvchisi hisoblanadi. “Rubin”ning quyi divizionga tushib ketgani yaxshi bo'lmadi, lekin ular keyingi yil yuqori elitaga qaytishsa kerak va Umar bu jamoada yuksalib boradi. Bu o'zbek futboli uchun faqatgina foyda keltiradi.

- Aynan Umaralining zaxiraga olinishi, bu nima bilan bog'liq?

- Qaror qabul qilib bo'lingandi va zaxiraga olindi. Bu uning penaltini ura olmagani bilan bog'liq emas. Penaltidan kimdir gol uradi, kimdir esa yo'q. O'yin bo'yicha hech kimga etiroz yo'q, asosiy tarkibda maydonga tushganlar va zaxiradan o'yinga qo'shilganlarga ham. Hamma ter to'kdi, kurashdi va rohatlandi. Bu esa o'yindagi eng muhim jihat edi.

Reyting: +3   

Fikrlar

championat.asia
< so’nggi yangiliklarni ko’rish
Яндекс.Метрика