Karles Puyol: “Neymar nima xohlayotganini tushuntirishi lozim”

“Neymar bilan nimalar ro'y berayotgani menga qorong'u. U nima istayotganini ommaga tushuntirib berish lozim. U aniq bir qarorga kelishi lozim.

Neymar ketishni istayotganiga ishonchim komil emas. Ammo futbolchiga bitta jamoada butun faoliyatini o'tkazish qiyin masala. Futbol o'zgarmoqda.

O'tgan mavsum “Barsa” uchun qiyin kechdi. Har doim g'alaba qozonish imkonsiz. Ispaniya kubogidagi g'oliblikni La Liga yoki ECHL bilan solishtirib bo'lmaydi. Ammo kubokni qo'lga kiritish yoqimli. Bu yil jamoa yana barcha sovrinlarga erishmoqchi. “Barsa” Luis Enrike bilan ko'plab g'alabalarga erishdi. U ajoyib natijalarni qayd etdi. Endi jamoada boshqa murabbiy. Ammo maqsad o'zgarmagan. Falsafa o'sha-o'sha.

Valverdening jamoalari doim yaxshi o'ynashgan. “Barsa”da u bu ishni qanchalik bajaradi, mavsum davomid kuzatamiz. Uning qo'l ostida ajoyib tarkib jamlangan, ishonamanki, ular barcha sovrinlar uchun kurash olib borishadi”, deydi Puyol.