Islambek Seytnazarov: "Bizda bosh murabbiy kasal, yordamchi murabbiyning o'zi yo'q"

O'yin haqida

- O'yin yaxshi o'tdi. Bugun jamoamizning o'yini o'xshamadi, sababi jamoada yo'qotishlar nihoyatda ko'p edi. "SHo'rtan" jamoasini g'alaba bilan tabriklayman. 

- To'rt-besh daqiqa ichida "Aral" uchta gol o'tkazib yubordi. Buni qanday izohlaysiz?

- Buni etiborsizlik natijasi deb o'ylayman. Xotirjamlikka berildik. 

- Birinchi bo'limda shogirdlaringiz yaxshi harakat qilishdi. Birinchi gol ularning ruhiyatiga tasir o'tkazdimi?

- Albatta, dastlabki gol futbolchilarning ruhiyatiga katta zarba berdi. 

- Jamoa bosh murabbiyi va uning yordamchisi bugungi o'yinda nega ishtirok etmadi?

- Bosh murabbiy davolanmoqda, jamoamizda yordamchi murabbiyning o'zi yo'q. 

- "Aral" suniy maydonda to'p tepadi. Ham suniy, ham tabiiy maydonda o'ynash futbolchilarni toliqtirmaydimi?

- Albatta, bu o'z tasirini o'tkazmasdan qolmaydi. Jamoa suniy maydonga o'rgangan. 

- Bugun zaxirada 5 nafar futbolchi bor edi, ular orasida hujumchi yo'q edi. Tarkibda ham bitta hujumchi maydonga tushdi. Bir jamoaga bitta hujumchi kamlik qilmaydimi?

- O'yinchilarimizning ko'pchiligi jarohat olgan. SHu bois bitta hujumchi bilan kelishga majbur bo'ldik.

- Qoraqalpog'istondan Qashqadaryogacha 12 soat yo'l bosib keldingizlar. Yo'l charchog'idan so'ng qolgan vaqt o'yinchilarning tiklanishi uchun etarli hisoblanadimi?

- Albatta, bu ham ularga tasir o'tkazadi.