Inigo "Al Nassr"ga o'tishi haqida: "Bunday taklifni ko'rganda ishona olmadim"

Himoyachi Kataloniya klubi bilan shartnomasini bekor qildi va "Al Nassr"ga o'tdi.

"Shartnomam tugashiga bir yil qolgandi, men 34 yoshdaman va bunday imkoniyatlar paydo bo'lganda rad etish qiyin. Ehtimol, agar shartnomam bo'yicha ko'proq vaqt qolganida, ko'proq o'ylab ko'rgan bo'lardim. Bundan tashqari, "Barselona"da katta maosh olardim, oilam ham bundan mamnun edi.

Qaror qabul qilish oson bo'lmadi, chunki xotinim va qizlarimni ham o'zim bilan olib ketayapman, lekin aniq aytishim mumkinki, shartnoma muddati uzoqroq bo'lganda, uzoqroq o'ylagan bo'lardim.

Bunday taklifni ko'rganda, hatto ishona olmadim. Hech kim bunday shartnomalarni kutmaydi - hech bo'lmaganda men. Butun faoliyatim davomida futbolda "oddiy askar" edim, harakat va ter to'kish evaziga yuqoriga ko'tarildim. Ammo bunday shartnomani olganingda, u seni, undan ham ko'proq oilangni hayratda qoldiradi.

Moliyaviy jihatdan bu ligani boshqalari bilan taqqoslab bo'lmaydi. Faoliyatimni va "Barselona"ga berganimni hisobga olib, bu qadamni qo'yishga qaror qildim. Futbolchining faoliyati qisqa va bunday imkoniyat kelganda yo'q deyish qiyin," - dedi Inigo.