“Iftixor” futbol klubi bilan bog'liq masala O'FA va PFL tomonidan o'rganilgani haqida

Keyinroq bir qator ommaviy axborot vositalarida O'FA vaziyatni yaxshi bilmay turib qaror chiqargani borasida xabarlar tarqaldi. Bu kabi xabarlar haqiqatdan yiroqdir.

“Iftixor” klubi futbolchilari bo'lgan Hasanboy Ergashev hamda Tursunboy Husanov bilan bog'liq vaziyatdan PFL O'FA rahbariyatini xabardor qilgan hamda tashkilotning Futbol faoliyatini nazorat qilish boshqarmasining ikki xodimi — Dilshod Saidmurodov hamda Jo'rabek Sabdarov Farg'onaga jo'natishni so'ragan.

Ular Farg'onada birinchi bo'lib jabrlanuvchi Hasanboy Ergashev bilan uning uyida uchrashgan va bo'lib o'tgan voqeaga oydinlik kiritgan. Tursunboy Husanov esa o'z shahri SHahrixonga jo'nab ketgani uchun, u bilan suhbat telefon orqali bo'lib o'tgan.

SHundan so'ng O'FA xodimlari Oltiariq tumani IIB huzuridagi Tergov bo'limi masullari bilan, tuman IIB boshlig'i, shuningdek, Farg'ona viloyati hokimi o'rinbosari bilan suhbatda bo'lgan. Ayni vaqtda ham O'FA Oltiariq tuman IIB masul xodimlari bilan aloqada bo'lib turibdi.

Farg'onaga safari davomida O'FAning ikki vakili “Iftixor” katta murabbiyi Nodir Qo'ziboev bilan, undan keyin esa klub direktori Ahror Ergashev bilan ham uchrashgan. Ular bo'lib o'tgan voqeada ishtirok etganini tan olgan. Malum bo'lishicha, futbolchilarni Oltiariq tumani chekkasidagi oromgohga telefon orqali Nodir Qo'ziboev chaqirtirgan. O'zboshimcha tazyiqni Ahror Ergashev olib borgan va har ikki futbolchiga tan jarohati etkazgan.

 O'FA mazkur xulosadan kelib chiqib, “Iftixor”ning har ikki rahbarini futboldan chetlashtirdi. Endilikda IIB mazkur ish yuzasidan tergov surishtiruv ishlarini davom ettirmoqda.