Grizmann Germaniyani yarim finalda to'xtatdi, Franciya finalda!

Uchrashuvning 6-daqiqasida Sissoko bilan devor uslubida o'ynagan Antuan jarima maydoniga kirib kelib zarba berdi, Noyer to'pni qaytardi! 13-daqiqada Emre Jan o'ng qanotdan to'pni jarima maydoniga uzatdi, Tomas Myuller tomonidan yo'llagan zarba noaniq bo'ldi. Keyingi daqiqada Emre Janning 15 metrlardan yo'llagan zarbasini Loris qaytardi.

26-daqiqada Bastian SHvaynshtayger ajoyib zarba berdi, Loris shedevr seyv bilan to'pni qaytardi. Paye va Pogba jarima to'plarini amalga oshirishdi, ikkala vaziyatda ham Noyer to'pni ushlab oldi.

43-daqiqada hisob ochilishi mumkin edi. Birga bir vaziyatga chiqib ketgan Olive Jiru xuddi taxtadek harakat qildi, Xovedes esa uning ortidan etib borib oddiygina to'pni qaytardi.

Taym so'nggida Germaniya darvoza tomon penalti belgilandi! SHvaynshtayger to'p uchun kurashda to'pni qo'li bilan o'ynadi deb hisoblagan italiyalik bosh hakam Nikola Riccoli Noyer darvozasiga penalti belgiladi. Nuqtadan Antuan Grizmann gol urib hisobni ochdi va musobaqadagi o'zining beshinchi golini urdi - 0:1. 

72-daqiqada Pogba chap tomondan to'pni jarima maydoniga uzatdi, Noyer to'pni qaytardi, qaytgan to'pni Grizmann ohistagina darvozaga joylab qo'yib musobaqadagi o'zining oltinchi golini urdi - 0:2. 

Qolgan daqiqalarda nemislar har qancha harakat qilishmasin gol ura olishmadi va Franciya finalga yo'l oldi.


Evro-2016. Yarim final.
GERMANIYA - FRANCIYA 0:2
MATNLI TRANSLYACIYA
7 iyul. Marsel. "Velodrom" stadioni. 23:55
Bosh hakam - Nikola Riccoli (Italiya).
Gol: Antuan Grizmann 45+1 penalti, - 0:1. Antuan Grizmann 72, - 0:2.
Germaniya: Manuel Noyer, Emre Jan (Mario Gyotce, 67), Jerom Boateng (SHkodran Mustafi, 60), Benedikt Xovedes, Yonas Xektor, Toni Kroos, Bastian SHvaynshtayger (Leroy Sane, 78), Joshua Kimmix, Mesut Ozil, Yulian Draksler, Tomas Myuller
Franciya: Ugo Loris, Bakari Sanya, Loran Koselni, Samuel Umtiti, Patris Evra, Pol Pogba, Blez Matyuidi, Mussa Sissoko, Antuan Grizmann (Yoan Kabay, 90+1), Dimitri Paye (Ngolo Kante, 71), Olive Jiru (Andre Per Jinyak, 77)
Ogohlantirishlar: Jan (36), Evra (43), SHvaynshtayger (45), Ozil (45), Draksler (50), Kante (75).