GANA - AQSH 1:2. MATNLI TRANSLYACIYA

JCH-2014. "G" guruhi, 1-tur.

Gana - AQSH 1:2

16 iyun. 03:00
Bosh hakam: Yunas Eriksson (SHveciya)
Yordamchi hakamlar: Matias Klasenius (SHveciya), Daniel Varnmark (SHveciya)
Zaxira hakami: Norbert Xauata (Taiti)

Gollar: Dempsi (1), Ayyu (82), Bruks (86)

Gana: Kvarasey, Gyan, Opare, Atsu (Adoma, 78), Andre Ayu, Muntari, J.Ayu (Boateng, 58), Rabiu (Essen, 72), Mensa, Asamoa, Boye,

AQSH: Xovard, Bredli, Besler, Besler, Dempsi, Bedoya (Zusi, 78), Jones, Bekerman, Altidor (Yoxannsson, 23), Kamerun, Jonson.

Ogohlanitirishlar: Rabiu (30), Muntari (90) 

                                 MATNLI TRANSLYACIYA
                                            YANGILASH




Uchrashuv tugadi! AQSH nihoyat Ganani mag'lub etishni uddasidan chiqdi!

90+4` Muntarining zarbasi... noaniq!

Muntari hakam tomonidan sariq kartochka bilan siylandi.

90+2` Gana shoshmoqda. Gananing boshqa chorasi yo'q. Faqat oldinga borish kerak...

90` Uchrashuvning ikkinchi bo'limiga 5 daqiqa vaqt qo'shib berildi.

89` Bu uchrashuvning boshlanishi va so'nggi daqiqalari haqiqiy futbol shiddatini taqdim etib bermoqda...

88` Gana endi yana butun jamoa bo'lib hujumga o'tishga majbur...

86` GOOOOOOOOOOOOOOOOOOOOOOOOOOL! Jon Bruks! Mana sizga o'yin! AQSH burchak to'pini amalga oshirdi. Burchakdan etkazib berilgan to'pni Jon Bruksning boshi bilan aniq yo'lladi va AQSHni yana hisobda oldinga olib chiqdi! Qoyil, ajoyib o'yin!

84` Nihoyat Gana o'z maqsadiga erishdi. Qolgan daqiqalarda nimalar ruy berarkin?

82` GOOOOOOOOOOOOOOOOOOOOOOOOOOL! Andre Ayyu!!!! Ajoyib hujum va Asamoa Gyanning tovoni bilan bergan nozik pasini Ayyu  chiroyli yakunlay oldi! CHiroyli kombinaciya va ajoyib gol!

82` AQSH himoyada o'tirishdan zerikdi. Hozir ular Ganani himoyalanishga majbur etishmoqchi.

81` Dempsining zarbasini Gana posboni ortiqcha qiyinchiliksiz ushlab oldi.

80` AQSH qarshi hujumga o'tmoqchi bo'ldi. Lekin ganalik futbolchilar tezda ortga qaytishdi.

Ganada so'nggi o'zgarish: Kristian Atsu o'z o'rnini Albert Adomaga bo'shatib bermoqda.

AQSH tarkibida o'zgarish ruy bermoqda. Bedoya maydonni tark etmoqda. Uning o'rnida Zusi qolgan daqiqalarda harakat qiladi.

75` Kvadvo Asamoa qanotidan hujum tashkil etilmoqda. AQSH himoyada juda zich harakat qilmoqda.

73` Vaqt tobora oz qolmoqda. Buyog'iga Gana "vabank"ni ishga soladi...

72` Gana tarkibida ikkinchi o'zgarish. Rabiu o'rnini Essenga bo'shatib berdi.

70` Bugun AQSH himoyachilariga qoyil. Hozircha xato va kamchiliklarsiz harakat qilishmoqda.

68` AQSH burchak to'pini amalga oshirdi. Juda xavfli tarzda etkazib berilgan to'pga hech kim boshini qo'ya olmadi va natijada to'p maydonni tark etdi.

67` Boateng va Kvadvo Asamoa uzoq masofadan Tim Xovardni ranjitishmoqchi. Lekin hozircha bu reja ish bermayapti.

65` Kvadvo Asamoaning uzoqdan yo'llagan kuchli zarbasini Tim Xovard egallab oldi.

64` Bugun Gyanning omadi chopmayapti. Navbatdagi imkoniyat va uning zarbasiga himoyachi to'sqinlik qilib qolmoqda.

63` Gana faollashdi. AQSH esa ancha sustlashib qoldi.

60` Kevin-Princ Boateng Gana o'yinini yanada kuchaytirishi talab etiladi.

Demak o'zgarish. Kutilgan qaror! Jordan Ayu o'rniga Boateng maydonga tushdi.

58` ASAMOA GYAN!!!!!!!!!!! AJOYIB!!!!!!! Asamoa Gyan jarima maydonchasi oldidan boshi bilan chiroydi zarba berdi. Xavfli ko'rinish olgan ushbu zarbaga yana birozniga aniqlik etishmadi.

56` ASAMOA GYAN!!!!! XAVFLI VAZIYAT!!!! Gyanning boshi bilan yo'llagan zarbasi xavfli chiqdi. Lekin noaniq!

55` Sulley Muntari uzoqdan zarba yo'llab ko'rdi. Kuchli, lekin noaniq...

54` Ganada jamoaviy o'yin yuqori darajada yo'lga qo'yilmagan. Futbolchilar ko'p bor bir-birlarini tushunmay qolishmoqda. Bunaqa vaziyatlarda individual harakat kuchli futbolchilarni maydonga tushirish kerak. Masalan, Kevin-Princ Boateng...

52` Etar noaniq zarbalar. Qachon darvoza tomon aniq zarba ko'ramiz?

50` Asamoa Gyan himoyachidan to'p olib qo'ymoqda bo'ldi. Lekin bu vaziyatda hakam Gyan o'yin qoidasini buzdi deb hisobladi.

48` Gana hujumga o'tmoqda. Lekin AQSH jamoasi himoyada bugun ishonchli harakat qilmoqda.

46` Ikkichni bo'lim boshlandi!



Hozircha birinchi bo'lim qahramoni Klint Demspi bo'lib turibdi.

Birinchi bo'lim tugadi! TANAFFUS!

Sulley Muntari AQSHlik futbolchi unga qarshi qo'pol o'ynaganidan g'azabda. Hakam uni tinchlanishini so'radi.

45+1` Birinchi bo'limga 5 daqiqa vaqt qo'shib berildi.

45` Bedoyaning zarbasini ganalik posbon bartaraf etdi.

44` AQSHda yaxshi vaziyat. Jarima zarbasi.

42` Yurgen Klinsmann AQSH terma jamoasini mundialga yaxshi tayyorlaganligi ko'rinib turibdi. Jamoa ancha tartibli va jozibador futbol namoyish etmoqda.

40` AQSH ka juhum qilmoqda. Lekin o'sha kam sonli hujumlarida rang-baranglik, ijodkorlik yuqori. Xavfli chiqmoqda ularning urinishlari. Ganaga aynan shu narsa etishmayapti.

38` Asamoa Gyan faol harakat qilmoqda. Lekin unga yaqin ko'makchi etishmayapti.

37` Gana o'yindagi ustunlikni o'z qo'liga olgan. Lekin ularga hujumni tashkil etadigan yaxshi bir yarim himoyachisi etishmayapti. Iqtidorli vinger Boatengni maydonga tashlash kerakdir balki.

35` Klint Demspini ganalik futbolchi "karate" uslubida maydonga og'anatdi.

33` Ayu tomonidan berilgan ajoyib zarba va Tim Xovardning chiroyli harakati jamoasini goldan qutqarib qoldi.

32` AQSH himoyasi xatosiz o'ynamoqda. Gana hujumchilari ularni xato qilishga majbur eta olishmayapti.

30` Rabiu raqibiga nisbatan qo'pol o'ynagani uchun ogohlantirildi.

28` Gana ko'proq hujum tashkil etmoqda. Lekin bu hujumlarning ko'piga aniqlik etishmayapti. Oddiy epizodlar.

27` Bedoya Gana darvozasini uzoqdan chiroyli tarzda ishg'ol qilmoqchi bo'ldi. Lekin uning rejasi o'xshamadi.

25` Gana burchak to'pini amalga oshirdi. Rabiuning boshi bilan bergan zarbasi aniq chiqmadi.

Altidor o'rniga Yoxannsson maydonga tushirildi.

22` Ehhh, Altidor maydonda yotibdi. Nahotki bu futbolchi o'yinni davom ettira olmasa? Altidor to'p bilan oldinga intilayotgan paytida, oyog'ining payi chuzilib qoldi shekilli. Majburiy o'zgarish!

20` AQSHning yana bir chiroyli uyushtirgan hujumi. Altidorga so'nggi zarbani berishda aniqlik etishmadi. Hujumchi biroz shoshib qoldi.

18` AQSH ustunlikni raqibiga berib qo'ymoqda. Bu narsa ularga qimmatga tushishi mumkin.

16` Asamoa Gyan to'pni to'xtatishga xatoga yo'l qo'ydi. Hujum uzilib qoldi.

15` Gana to'p nazoratini o'z qo'liga olmoqda. Lekin xavfli hujumlar ko'rmayapmiz.

AQSH terma jamoasi katta g'azab bilan maydonga tushishganini sezish qiyin emas. AQSHning Gana bilan o'z hisob-kitoblari bor.

12` Kristian offsaydda qolib ketganini qanot hakami qayd etdi.

11` SHovqin bilan boshlangan o'yin biroz tinchlandi.

Gananing zaxira o'rindig'ini ko'rsatishmoqda. U erda Kevin-Princ Boateng, Maykl Essen kabi futbolchilar o'tirishipti. Tushunmadim, nega ular zaxirada? Menimcha, bu ikki futbolchini ham aynan shu savol o'ylantirmoqda.

8` Gana sekin-asta o'z o'yinini izlamoqda. Asamov Gyan jamoa etakchisi sifatida jamoadoshlarini o'z ortidan ergashtira olishi lozim.

7` AQSH o'zini engil qushdek his etmoqda. Tezkor hujumlar va o'yinda rang-baranglik ko'rinmoqda.

5` Gana jarima zarbasini tepish huquqini qo'lga kiritdi. Lekin standart vaziyatidan Boye foydalana olmadi.

4` Ganalik futbolchilar nimalar ruy berganini rosti tushunishmadi. Uchrashuv ular uchun g'alati boshlanmoqda. AQSH uchun esa aksincha!

Mana sizga uchrashuv debyuti! Ana sizga AQSH! Tezkorlik bilan oldinga borgan AQSH terma jamoasi osonlik bilan raqib jarima maydonchasini yorib o'tdi. Dempsi o'zining kuchli va aniq zarbasi bilan hisobni ochdi!

1` GOOOOOOOOOOOOOOOOOOOL! Dempsi!!!!!!

1` Uchrashuv boshlandi! Biz ham sharhni boshladik! Ha aytgancha, uxlab qolmang tag'in...

Bugungi bahsni shveciyalik Jonas Eriksonn  boshqarib boradi.

Endi navbat AQSH davlati madhiyasiga...

Odatdagidek davlat madhiyalari yangramoqda. Birinchi bo'lib Gana terma jamoasi azolari madhiyani kuylashmoqda.

Jamoalar maydonga chiqib kelishmoqda.

Bu guruhdagi dastlabki bahsda "nemis mashinasi" Portugaliya armiyasini tor-mor keltirishga ulgurdi. Germaniya hozircha turnir jadvalida peshqadam. Nemislarga qaysi jamoa "qo'shni" bo'lishiga ushbu bahs javob topib beradi.

Gana va AQSH terma jamoalari 2006 hamda 2010 yildagi mundialda ham bir-birlari bilan o'zaro to'qnash kelishgan. Ikkala bahsda ham Gana amerikalik charm to'p ustalarini ranjitib qo'yishgan edi. Taqdirni qarangki, bu safargi mundialda ham bu eski tanishlar uchrashishmoqda. AQSH revansh olish payida yuribdi. Gana esa o'z kuchiga ishonmoqda. Qolganini esa bir necha daqiqalardan so'ng ko'ramiz va bilib olamiz.

AQSH terma jamoasining kiyinish xonasi

Gana jamoasi kiyinish xonasi


Gana etakchilari Essen zaxirada qolgan


Alo kayfiyat taqdim eta oladigan quvnoq va zukko "yuzerlar" bor ekan, uchrashuvgacha zerikib qolmasligimiz aniq! Ha aytgancha, vaqt borida choy ichib, u-bu narsa tanovul qilib olishlaringiz mumkin! Yoki bo'lmasam, virtual futbolda o'z bilimingizni oshirib olish imkoniyatingiz bor. Kerakli yukning og'iri yo'q deganlaridek :-)

Assalomu aleykum qadrli futbol ishqibozlari! Sizlar bilan futbol bayramini navbatdagi qismini kuzatish uchun shaymiz! "Arena das Dunas" stadionida Gana va AQSH terma jamoalari o'zaro bahs olib borishadi. Ushbu bellashuvni kamina SHahboz Beg'amov matnli onlayn tarzida sharhlab boradi. O'ylaymizki, uchrashuv kelayotgn uyqungizni bir zumda qochirib yuboradi. Har holda Eron - Nigeriya bellashuvidan qiziqarliroq kechishi aniq.

- O'yin soat 03:00da boshlanadi.