Maftuna SHoyimova: "To'plar nisbati yakunda yuqoriroq o'rin egallash uchun kerak bo'lib qolishi mumkin"

- O'zbekiston terma jamoasi birinchi turdagi kutilmagan natijadan so'ng musobaqadagi dastlabki g'alabasini qayd etdi. Umumiy olganda, bugungi o'yin terma jamoamiz uchun qanday?

- O'yinlar oson kechmayapti. Sababi biz O'zbekistondamiz va o'z muxlislarimiz qarshisida o'ynamyapmiz. SHu sababli birinchi bahsda biroz qiyinchiliklarga duch keldik va Kuvaytga qarshi bahsga yaxshi tayyorgarlik ko'rib, g'alaba qozondik.

- Kuvayt terma jamoasi dastlabki ikki bahsda yirik hisobda mag'lubiyatga uchradi. Siz kuvaytliklar darvozasiga uchta to'p kiritdingiz. Ushbu jamoaning darajasi haqida gapirib o'tsangiz?

- Biz har bir raqibni hurmat qilamiz. Kimdir kuchli yoki kuchsiz deyish noto'g'ri. Biz uchun Avstraliya ham va Kuvayt ham bir xil raqib.

- Uchinchi turdagi raqibimiz va hozircha guruh etakchisi Avstraliya jamoasi haqida fikr bildirib o'tsangiz? Bo'lajak raqib ancha jiddiy, ularni o'rganib chiqishni qachon boshlaysizlar?

- Biz barcha jamoalarni o'rganib chiqqanmiz va barcha raqiblarga qarshi kurashishga tayyormiz.

- Kiritilgan gollaringiz haqida nimalar deya olasiz?

- Gollar xuddi suvdek muhim. To'plar nisbati yakunda yuqoriroq o'rin egallash uchun kerak bo'lib qolishi mumkin. O'yin yakunida biroz omad kelmadi.