Futzal. Oliy liga guruh bosqichidan keyin turnir jadvali

Unga ko'ra, amaldagi chempion "Olmaliq" guruh bosqichini birinchi pog'onada yakunladi. Qarshining "Do'stlik-AIN" klubi ham olmaliqliklar kabi 53 ochko jamg'ardi. O'zaro har ikkala o'yin ham 2:2 hisobi bilan yakunlangan. Bunday holatda to'plar nisbatining yaxshiroqligi Aleksandr Petrov shogirdlarini peshqadamga aylantirdi. "Ardus" esa Samarqanddagi turda ikki bor mag'lub bo'ldi va etakchilardan ancha qolib ketdi - 44 ochko. Furqat Xayrullaev boshchiligidagi "Kogon" 41 ochko bilan kuchli to'rtlikni yakunlab berdi. "Bunyodkor" (31 ochko) beshinchi, "Metallurg" (25 ochko) oltinchi, "Maksam-CHirchiq" (23 ochko) ettinchi va "Paxtakor" (19 ochko) sakkizinchi o'rinni egallagan holda pley-offda ishtirok etish huquqini qo'lga kiritdi. "Nafis" (15 ochko), "Turon-S" (9 ochko) va "Lokomotiv" (6 ochko) klublari ikkinchi bosqichga o'ta olishmadi.

Toshkentning "Lokomotiv" va Bekobodning "Metallurg" jamoalari o'rtasidagi to'rtinchi turdan o'rin olgan uchrashuvning ikkinchi bo'limi keyinroq o'tkaziladi. Birinchi bo'limda bekobodliklar 2:0 hisobida g'alaba qozonishayotgan edi. Bu o'yin qanday natija bilan tugashidan qati nazar yuqori sakkiztalik o'zgarishsiz qoladi.

Oliy liga guruh bosqichidan keyin turnir jadvali quyidagicha ko'rinish oldi.

To'purarlar:

Ulug'bek Ramazonov ("Kogon") - 23
Feruz Faxriddinov ("Do'stlik-AIN") - 22
Farhod Abdumavlonov ("Olmaliq") - 20
Davron CHoriev ("Ardus") - 19
Sohib Narzullaev ("Kogon") - 19
Oybek Polvonov ("Do'stlik-AIN") - 18
Dilshod Irsaliev ("Olmaliq") - 18
Jamoliddin SHaripov ("Olmaliq") - 16
Linar Gabdurafikov ("Paxtakor") - 16