Futzal. JCH-2000. O'zbekistonning dastlabki urinishi, 29 ta gol o'tkazgan mezbon hamda bir o'yinda ikki darvozabonidan ayrilib, uchinchi posbon bilan Braziliyaning gegemonligiga chek qo'ygan chempion haqida hikoya qilamiz
06 avg 11:03
Yangiliklar
![](https://championat.asia/upload/storage/798132_original.jpg)
![](/upload/storage/798132_220.jpg)
Futzal. JCH-2000. O'zbekistonning dastlabki urinishi, 29 ta gol o'tkazgan mezbon hamda bir o'yinda ikki darvozabonidan ayrilib, uchinchi posbon bilan Braziliyaning gegemonligiga chek qo'ygan chempion haqida hikoya qilamiz
Futzal bo'yicha to'rtinchi jahon chempionatiga 2000 yilning 18 noyabr–3 dekabr kunlari Gvatemala mezbonlik qildi. Turnirda 6 konfederaciyadan 16 mamlakat ishtirok etdi. SHu jumladan, Osiyo futbol konfederaciyasidan qita chempionatida dastlabki uch o'rinni egallagan Eron, Tailand va Qozog'iston terma jamoalari mundial yo'llanmasini qo'lga kiritdi. O'zbekiston terma jamoasi ham Osiyo kubogida qatnashdi. Eron, Yaponiya, Qirg'iz Respublikasi va Makao bilan bir guruhdan o'rin olgan "oq bo'rilar" guruhda 3-o'rinni egallagan holda musobaqa bilan xayrlashdi va mundialga chiqa olmadi.
Gvatemala mezbon sifatida mundialda ishtirok etgan bo'lsa, turnir ushbu jamoa uchun yorqin xotiralar bilan yodda qolmadi, sababi markaziy amerikaliklar Braziliyadan 29 ta gol qabul qilib oldi. Guruhda faqatgina o'sha vaqtda Osiyo futbol konfederaciyasi tarkibida bo'lgan Qozog'iston mag'lub etildi.
Mundial tarixda o'ziga xos burilish yasadi. Sababi, muxlislar yangi chempionni ko'rishga muvaffaq bo'lishdi. Braziliyaning gegemonligiga Ispaniya chek qo'ya oldi. "Qizil furiya" 4 yil oldin finalda uchralgan mag'lubiyat uchun finalda o'ch oldi va tarixiy natijani qayd etdi. Rossiya bu safar bronza uchun o'yinda imkoniyatni boy berdi, Portugaliya ruslarni 4:2 hisobida mag'lub etdi. Ushbu musobaqani umumiy hisobda 94179 nafar muxlis bevosita arenalardan kuzatib bordi.
Ushbu mundialda ham 4 yil avvalgisida bo'lgani kabi braziliyalik Manuel Tobias eng yaxshi to'purarlikni ham, eng yaxshi o'yinchi nomini ham o'ziniki qiladi. SHuningdek, keyinchalik futzalning yorqin yulduziga aylangan Falkao ham aynan Gvatemalada jahon chempionatlaridagi debyutini nishonlagan.
Biroq "qizil furiya" ikkinchi bosqichda juda katta yo'qotishlarga uchradi. Xorvatiyaga qarshi o'yinda jamoaning ikki asosiy darvozaboni Gilermo Martin va Luis Amado jarohat oldi. Gilermo o'yin avvalidagi qizishib olish mashg'ulotida jamoadoshi tomonidan yo'llangan zarbani qaytarish chog'ida qo'lini sindirib oldi. Amado asosiy tarkibda maydonga tushdi, biroq o'yin davomida chap oyog'ini sindirb oldi. Jamoa shifokori zudlik bilan tezyordam mashinasi orqali ikki darvozabonni yaqin atrofdagi shifoxonaga olib ketdi. SHundan so'ng 32 yoshli Xesus Klaveria debyut qildi. U musobaqaga uchinchi darvozabon sifatida tashrif buyurgan bo'lsa-da, keyinchalik Ispaniya futzali tarixidagi eng buyuk darvozabonlardan biriga aylandi.
SHu bilan birga, Ispaniyada yana bir zaxira darvozaboniga ehtiyoj tug'ildi hamda Rikardo Ximenes jalb etildi. Uning chaqirilishi o'ziga xos voqeaga aylangan. Zaxira varianti sifatida ko'rilgach, Ximenesni zudlik bilan topish kerakligi malum qilinadi, biroq bu borada muammolar yuzaga keladi. Uning uyali telefoni o'chirilgan, xonadonidagi stacionar telefonda ham aloqa mavjud emasdi. Xuan Pedrino ismli vakilni uni topish uchun jo'natishadi. Ximenes kechki vaqtini tungi klublarda o'tkazgan, biroq vakil uni hech qaerdan, na uyidan, na tungi klublardan topa olmaydi. Pedrino doim u borgan joyga darvozabon u erni tark etgandan keyin borgan. Xullas, zaxira posboni tongda "topildi" va tezda Ispaniyadan Gvatemala sari yo'lga otlandi. Ximenes maydonga tushirilmadi, ammo ikkinchi darvozabon sifatida jahon chempioni sohibi bo'ldi.
"Qizig'i shundaki, garchand maydonga tushmagan bo'lsam-da, suratim o'sha davrda muxlislar orasida eng ko'p tomosha qilingan", deya xotirlaydi Rikardo Ximenes.
Ispaniya terma jamoasi bosh murabbiyi Xaver Losano mazkur chempionlikni "birinchi bo'sa kabi hech qachon unutilmas" deya tarifladi.
"Taqiqlanganiga qaramay, xonada karta o'ynash uchun yig'ilardik, mehmonxonada beriladigan taomlar yaxshi bo'lmagani uchun birgalikda McDonald's gamburgerlarini istemol qilardik. SHu kabi oddiy sabablar tufayli ko'p yig'ilardik va bu bizni birlashtirishga yordam berdi", deya xotirlaydi hujumchi Paulo Roberto.
1-bosqich
"A" guruhi
18 noyabr
Gvatemala — Portugaliya — 2:6
Braziliya — Qozog'iston— 12:1
21 noyabr
Portugaliya — Braziliya — 0:4
Qozog'iston — Gvatemala — 5:6
23 noyabr
Portugaliya — Qozog'iston — 6:2
Gvatemala — Braziliya — 2:29
Jamoa | O'yin | G'alaba | Durang | Mag'lubiyat | To'plar nisbati | Ochko |
---|---|---|---|---|---|---|
Braziliya | 3 | 3 | 0 | 0 | 45-3 | 9 |
Portugaliya | 3 | 2 | 0 | 1 | 12-8 | 6 |
Gvatemala | 3 | 1 | 0 | 2 | 10-40 | 3 |
Qozog'iston | 3 | 0 | 0 | 3 | 8-24 | 0 |
"B" guruhi
20 noyabr
Urugvay — Tailand — 4:1
Misr — Niderlandiya — 3:5
22 noyabr
Tailand — Misr — 0:7
Niderlandiya — Urugvay — 3:1
23 noyabr
Niderlandiya — Tailand — 6:1
Misr — Urugvay — 4:2
Jamoa | O'yin | G'alaba | Durang | Mag'lubiyat | To'plar nisbati | Ochko |
---|---|---|---|---|---|---|
Niderlandiya | 3 | 3 | 0 | 0 | 14-5 | 9 |
Misr | 3 | 2 | 0 | 1 | 14-7 | 6 |
Urugvay | 3 | 1 | 0 | 2 | 7-8 | 3 |
Tailand | 3 | 0 | 0 | 3 | 2-17 | 0 |
"C" guruhi
19 noyabr
Rossiya – Xorvatiya — 4:2
Avstraliya — Kosta-Rika — 2:6
21 noyabr
Rossiya – Kosta-Rika — 6:1
Xorvatiya — Avstraliya — 6:0
23 noyabr
Xorvatiya — Kosta-Rika — 4:1
Rossiya – Avstraliya — 10:1
Jamoa | O'yin | G'alaba | Durang | Mag'lubiyat | To'plar nisbati | Ochko |
---|---|---|---|---|---|---|
Rossiya | 3 | 3 | 0 | 0 | 20-4 | 9 |
Xorvatiya | 3 | 2 | 0 | 1 | 12-5 | 6 |
Kosta-Rika | 3 | 1 | 0 | 2 | 8-12 | 3 |
Avstraliya | 3 | 0 | 0 | 3 | 3-22 | 0 |
"D" guruhi
20 noyabr
Kuba — Ispaniya — 0:9
Eron — Argentina — 1:2
22 noyabr
Argentina — Kuba — 8:1
Ispaniya — Eron — 7:2
23 noyabr
Eron — Kuba — 3:0
Argenina — Ispaniya — 0:3
Jamoa | O'yin | G'alaba | Durang | Mag'lubiyat | To'plar nisbati | Ochko |
---|---|---|---|---|---|---|
Ispaniya | 3 | 3 | 0 | 0 | 19-2 | 9 |
Argentina | 3 | 2 | 0 | 1 | 10-5 | 6 |
Eron | 3 | 1 | 0 | 2 | 6-9 | 3 |
Kuba | 3 | 0 | 0 | 3 | 1-20 | 0 |
2-bosqich
"A" guruhi
26 noyabr
Rossiya – Argentina — 7:1
Braziliya — Misr — 12:4
27 noyabr
Rossiya – Misr— 4:6
Argentina — Braziliya — 1:4
29 noyabr
Misr— Argentina — 3:4
Rossiya – Braziliya — 2:6
Jamoa | O'yin | G'alaba | Durang | Mag'lubiyat | To'plar nisbati | Ochko |
---|---|---|---|---|---|---|
Braziliya | 3 | 3 | 0 | 0 | 22-7 | 9 |
Rossiya | 3 | 1 | 0 | 2 | 13-13 | 3 |
Misr | 3 | 1 | 0 | 2 | 13-20 | 3 |
Argentina | 3 | 1 | 0 | 2 | 6-14 | 3 |
"B" guruhi
25 noyabr
Niderlandiya — Portugaliya — 1:3
Ispaniya — Xorvatiya — 5:0
26 noyabr
Xorvatiya — Niderlandiya — 5:2
Portugaliya — Ispaniya — 1:3
28 noyabr
Portugaliya — Xorvatiya — 3:1
Niderlandiya — Ispaniya — 0:7
Jamoa | O'yin | G'alaba | Durang | Mag'lubiyat | To'plar nisbati | Ochko |
---|---|---|---|---|---|---|
Ispaniya | 3 | 3 | 0 | 0 | 15-1 | 9 |
Portugaliya | 3 | 2 | 0 | 1 | 7-5 | 6 |
Xorvatiya | 3 | 1 | 0 | 2 | 6-10 | 3 |
Niderlandiya | 3 | 0 | 0 | 3 | 3-15 | 0 |
Yarim final
Ispaniya — Rossiya 3:2
Braziliya — Portugaliya 8:0
3-o'rin uchun
Rossiya — Portugaliya 2:4
Final
Ispaniya — Braziliya 4:3
Gollar: Daniel (2, pen.), Xavi Sanches (20), Xavi Rodriges (36, 39) — Anderson (18), Manoel Tobias (30), Vander Karioka (35)
O'tkazilgan joyi: Gvatemala
O'tkazilgan shaharlar: 1 (Gvatemala siti)
O'tkazilgan sanasi: 18 noyabr - 3 dekabr, 2000 yil
Ishtirokchilar: 16 (6 qitadan)
Muxlislar tashrifi: 94179 (har o'yinga 2354)
Urilgan gollar: 302 (har o'yinga 7.55ta gol)
To'purar: Manoel Tobias (Braziliya, 19ta gol)
Eng yaxshi o'yinchi: Manuel Tobias (Braziliya)
"Fair-Play" sovrini: Braziliya
Sovrindorlar
CHempion - Ispaniya
Ikkinchi o'rin - Braziliya
Uchinchi o'rin - Portugaliya
To'rtinchi o'rin - Rossiya
Futzal. JCH-1996. Braziliya "trebl" qayd etdi
Oqil Abdubarnoev tayyorladi.
O’xshash yangiliklar
![AMP Logo](https://championat.asia/image/logo-amp.png)
Fikrlar