Fotomaqola: "Buxoro" - "Paxtakor" 0:0

Mazkur uchrashuvdan avval "Paxtakor"ga oson bo'lmasligi aniq edi. Gessning har bir jamoasi etakchilarga qarshi qanday o'ynash kerakligini yaxshi biladi. Yodingizda bo'lsa ikki tur avval Buxoroda "Bunyodkor" ham ochko yo'qotgan edi.




Eski tanishlar. Baxriddin Voxobovni juda xush chaqchaq inson deb bilaman. Andrey Akopyanc esa o'zbek futbolining tirik afsonalaridan biri. "Paxtakor"dagi o'yinlarini eslaysizmi? Oooo, qanday kirib borar edi qanotdan. Uni ortida Nikolay SHirshov. Hozirgi "Paxtakor"ga shunday o'yinchi yo'q.




Edgar Gess hurmatga loyiq mutaxassis. Mag'lubiyatni hakamlarga to'nkamaydigan kamdan kam murabbiylarimizdan biri. Ammo juda ham qattiqqo'l. Undakasi O'zbekistonda yo'q. "Paxtakor" bilan bo'lib o'tgan o'yin kuni ham erta tongda jamoa mashg'ulot o'tkazgan. Ammo bu mashg'ulotlar o'yinchilarga "nagruzka" berishi mumkin. Boisi, bizning jamoalarimizning vitaminlari talabga javob bermaydi. Yani shakar choydan tashqari boshqa mahsulot istemol qilinmaydi. O'yindan keyin ko'plab futbolchilar mashg'ulotlar og'ir kechayotganligi, ikkinchi mashg'ulotga tetik holatda kelishmayotganligini aytishdi. Bu murabbiyning emas, klubning muammosi. Murabbiydan natijani talab qiladigan jamoa, murabbiy istagan dori darmonlarni etkazib berishi kerak.



O'yinda hakamga ikki tomondan ham etiroz bo'ldi. 82-daqiqada jarima maydonchasi ichida Krimecga nisbatan ishlatilgan qo'pollik beetibr qoldirildi. Aslida bu erda 100% penalti bor edi. 90+3 - daqiqada esa "Buxoro"ning ikki nafar futbolchisi qarshi hujumga o'tgan edi. Qanot hakami esa o'yindan tashqari holatni ko'rsatdi. Aslida hujumchilardan biri o'yindan tashqari holatda emas edi.


Foto: Nodirxo'ja Yuldashev