FIFA “Buxoro”ga qo'yilgan taqiqni 5 kun ichida olib tashlashi yuzasidan Rahat Japarovga murojaat qildi
31 jan 2022 14:05
Yangiliklar

FIFA “Buxoro”ga qo'yilgan taqiqni 5 kun ichida olib tashlashi yuzasidan Rahat Japarovga murojaat qildi

Xabaringiz bor, FIFA Nizolarni hal etish palatasi “Buxoro” futbol klubi va klubning sobiq futbolchisi turkmanistonlik Rahat Japarov o'rtasidagi nizoli vaziyat yuzasidan qaror chiqarib, klubga futbolchi oldidagi belgilangan qarzdorlikni to'lash vazifasini yuklagan edi.

27 yanvar sanasida “Buxoro” futbolchi hisob raqamiga belgilangan summani o'tkazib berdi va FIFAga taqiqni olib tashlash yuzasidan murojaat qilindi. 30 yanvar kuni esa FIFA Rahat Japarovga xat yo'llab, unga agar etirozi bo'lsa, 5 kun muddat ichida bu haqida malum qilishini, yo'qsa, “Buxoro” klubidan taqiq 5 kundan so'ng olib tashlanishini bildirdi.

Bundan tashqari “Buxoro” futbol klubi Marko Milich tomonidan bildirilgan oylik maoshlar bo'yicha qarzdorlikni ham bartaraf qildi.

Ayni vaqtda, “Buxoro” FK tomonidan yuborilgan xatga asosan, klub tojikistonlik sobiq futbolchi hamda murabbiylari Tohir Malado'stov, Daler Kayosov hamda Alisher To'ychiev bilan bog'liq moliyaviy nizoli vaziyatni hal etish bo'yicha ish olib bormoqda.

Havola :

Manba : pfl.uz

Yangiliklarni Telegramda o'qing!

Reyting: -6