Garchi turning markaziy to'qnashuvi sifatida "Paxtakor" – "Neftchi" o'yini ko'rilayotgan bo'lsa-da, Jizzaxda bo'lib o'tadigan "So'g'diyona" – OKMK bahsi ham qiziqarli o'tishi kutilmoqda.
Qiziq fakt shuki, "So'g'diyona" 6 yildan buyon o'z maydonida olmaliqliklarni enga olmayapti. Jamoa oxirgi marotaba 2019 yilgi mavsumda raqibidan ustun kelgan – 1:0. Keyingi 5 ta bahsning 3 tasida murosa ko'chasi tanlangan, 2 ta bellashuvda Mirjalol Qosimov jamoasining qo'li baland kelgan.
Eslatib o'tamiz, uchrashuv 18:30 ga belgilangan.
"So'g'diyona" bugun mazkur seriyaga barham beradimi?
