Feruza Turdiboeva: "Qolgan ikki uchrashuvda ham 6 ochkoni niyat qilganmiz"

Turnirning ikkinchi turida O'zbekiston terma jamoasi Turkmanistonga qarshi (6:3) bahs olib bordi. Uchrashuvning "Eng yaxshi o'yinchisi" deb gol urib, bitta golli uzatma etkazib bergan sardorimiz Feruza Turdiboeva tan olindi. 

"Butun oson bo'lmasligini bilardik. Lekin shu bilan birga faqat g'alaba haqida o'yladik — biz uchun boshqa variant yo'q edi. O'yinni yaxshi boshladik va tezkor gollar urdik. Keyin biroz bo'shashdikmi, ikkita gol o'tkazib yubordik. 

Tanaffusda murabbiylarimiz ko'rsatmalar berishdi, nimalarga etibor berish zarurligini takidlashdi. Barchasi yaxshi ekanligi va o'z o'yinimizni ko'rsatsak, g'alaba bizniki bo'lishi haqida gaplashdik. 

Natijada, ikkinchi bo'limni ham gol bilan boshladik. Albatta, gol urganim va Madinaga golli uzatma etkazib berganimdan xursandman. Eng muhimi — g'alaba qozondik. 

Oldinda yana ikkita o'yin bor. Ularda ham ishonchli o'yin ko'rsatib, maksimal natija qayd etishga harakat qilamiz. Qolganini vaqt ko'rsatadi.", - dedi Feruza Turdiboeva.

Eslatib o'tamiz, O'zbekiston ayollar terma jamoasi 2-turdan keyin 3 ochko bilan jadvalning uchinchi pog'onasini band etgan, etakchi Qirg'iz Respublikasi hisobida 4 ochko mavjud, bitta o'yini kam Eronda esa 3 ochko bor.