Farrux Ikromov "Surxon" darvozasiga urilgan gollarga batafsil izoh berdi

SHu kuni zaxiradan maydonga tushgan yosh futbolchi Farrux Ikromov uchrashuv qahramonlaridan biri bo'ldi. Iqtidorli va kelajagi porloq o'yinchi termizliklar darvozasiga kiritilgan uchta to'pda ham ishtirok etdi. Ikromov "Sport" kanaliga bergan intervyusida gollarga izox berib o'tdi. 

"Dastlabki taym doimo qiyin kechadi. Ikkinchi bo'limda ikki jamoa ham oldinga o'tdi, bo'sh hududlar yuzaga keldi. Havo harorati issiq bo'ldi. O'zimiz ham bunga tayyor emasdik. Bahor emas, yoz fasli bo'lib ketdi. Ikkinchi bo'limda o'yinni kuchaytirish uchun men va Rasul Yo'ldoshev maydonga tushdik. 

Ko'rsatma qanday bo'lgandi? Zaxirada o'tirib o'zimning poziciyamdagi himoyachilarni kuzatshimni va maydonga chiqib o'yinni o'z qo'limga olishimni aytishdi. Umumiy rejamizdan hujumkor futbol ko'rsatish o'rin olgandi. Mavsum boshlanishi, hayajon sababli hech qaysi jamoa dastlabki daqiqalardan ochiq futbol ko'rsatmaydi.

Uchinchi golga keladigan bo'lsak, oldimda ochiq hudud borligini ko'rdim va o'sha joyga yugurdim. Rasul Yo'ldoshev to'pni uzatdi. Uning pasini golga aylantirmasam bo'lmasdi. Darvozabonni boshida payqamadim, keyin ko'rdim. Ikkinchi kiritilgan to'pda men Humoyun Murtazoev orqali o'ynamoqchi edim. Lekin, jamoadoshimning o'zi barchasini hal qilib qo'ydi”, - deydi “Bunyodkor” jamoasi azosi.