Farruh Zokirov: “Birinchi tur uchun qo'yilgan vazifani bajara olmadik”

- Oliy liganing starti yaxshi boshlandi. “Neftchi”ning asosiy maqsadi Oliy ligada qolish. CHunki tarkibni u qadar kuchaytira olmadik. Asosan ko'cha futbolidagi bollarni taklif qildik. Yoshlar terma jamoasidan ikki nafar darvozabonni oldik. Ularni futzalga o'rgatish hisoblanadi. Ortda qolgan turda kamida 4 ochkoni qo'lga kiritishni maqsad qilgandik. Afsuski, buning uddasidan chiqa olmadik. Asosiy darvozabonimiz Elyor Domlaev bazi sabablarga ko'ra, ilk turni o'tkazib yubordi. Natijada, yosh darvozabonlarga imkoniyat berdik. Ming afsuski, yoshlarimizga tajriba etishmadi. Deylik, chempionatdagi BMB, “Jizzax-Kenteks” va AGMKdan boshqa jamoalarning imkoniyati teng deb hisoblayman.

To'g'risi, jamoamizning moliyaviy holatini boshqalarnikiga solishtirib bo'lmaydi. Bizda u qadar katta mablag' yo'q. Aytaytlik, jamoamizda faqat maosh tizimi mavjud. Qo'lga kiritilgan g'alabalarga alohida mukofot pullari berilmaydi. Agarda jamoamizda moliyaviy imkoniyatlarimiz barqaror holatga keltirsak, “Neftchi” futzal jamoasini kuchaytirsa bo'ladi. Ayni vaqtdagi maqsadimiz – yoshlarni tarbiyalash va ularni terma jamoalarga etkazib berish hisoblanadi", - dedi Farruh Zokirov.