Farhod Bekmurotov: “Nasaf”ning yaxshi shakllangan jamoa ekanligi bilinib turdi”

- “Nasaf” bilan o'yinga jiddiy tayorgarlik ko'rgandik. “Ajdarlar” bugungi kunda mamlakatimizning grand jamoalaridan biri ekanligi barchaga yaxshi malum. SHunga qaramay maqsadimizsafardan  ochko bilan qaytish edi.

- Raqibni oldingi o'yinlarini ko'rib, o'rganib chiqqandik. Murabbiylar shunga monand taktika tuzdi. Unga ko'ra himoyaga jiddiy etibor qaratgan xolda, qarshi hujumda o'ynash talab etilardi. Ko'rdingiz birinchi bo'limda bir nechta vaziyatlarga ega bo'ldik. Afsuski ulardan samarali foydalana bilmadik. Birinchi taymda oldimizga qo'yilgan vazifani bajardik. Biroq ikkinchi bo'limda raqib futbolchilari baribir niyatiga etdi. Birinchi golni o'z xatoimiz evaziga o'tkazib yubordik. SHundan so'ng asosiy etibor hisobni tenglashtirishga qaratildi. Bundan qarshiliklar unumli foydalanib, bo'sh qolgan hududlarni topa bilishdi va yana ikkita to'p kiritib, hisobni yiriklashtirdi.

- “Nasaf”ga qarshi birinchi bor o'ynashim edi. Bu jamoaning uchrashuvlarini TV orqali ko'rib borganman. Endi ularga qarshi maydonda to'p surdim. Haqiqatdan ham “Nasaf”ning yaxshi shakllanganligi bilinib turdi. Ularda jamoaviy o'yin yaxshi qo'yilgan. CHunki tarkib o'zgarmay kelmoqda.

- Hamqishlog'im, shahrixonlik Bahrom Abdurahimov bilan maydon markazida bir-birimizga qarshi to'p surdik. Tajribasi katta futbolchi. Texnikssi ham yuqori. Boshida oyog'imga bitta zarba berdi. Keyinchalik hammasi yaxshi bo'lib ketdi. “Nasaf”ning o'yinini tashkil etish aynan Abdurahimovga bog'liq bo'lib qolayotgandek.

- Endi navbatdagi turni “Mashal”ga qarshi o'tkazamiz. O'z maydonimizdagi bahsda muxlislarimizni g'alaba bilan xursand qilmasak bo'lmaydi. Uchrashuv oson o'tmasligi aniq. Lekin yana bor kuchni ishga solamiz.   


“Andijon” matbuot xizmati.