Farg'ona viloyati hokimi: “Neftchi” kelasi mavsum oltin medallar uchun kurashadi. Buning uchun jamoani har tomonlama qo'llab-quvvatlashda davom etamiz"

Farg'ona viloyati hokimiyati matbuot xizmati viloyat hokimi Xayrullo Bozorovning mavsumni yakunlagan "Neftchi" klubiga yo'llagan tabrigini elon qildi. Ushbu tabrikda Xayrullo Bozorov "Neftchi" klubi keyingi mavsum ham oltin meddallar uchun kurashishini malum qilgan.

"Sevimli “Neftchi” jamoamiz futbolchilariga, bosh murabbiy Vitaliy Levchenkoga, jamoaning barcha mutasaddilariga mavsum davomidagi yorqin o'yinlar hamda chempionatning so'nggi daqiqalariga qadar muxlislarga taqdim etilgan hayajonli onlar uchun minnatdorchilik bildiraman.

O'zbek futbolida o'z o'rniga hamda eng sodiq muxlislarga ega “Neftchi” jamoasi, Xudo xohlasa kelgusi mavsumda Superligada yanada munosib qatnashib, oltin medallar uchun kurash olib boradi. Buning uchun “Neftchi”ni har tomonlama qo'llab-quvvatlashga davom etamiz."

Xayrullo Bozorov, Farg'ona viloyati hokimi