Edgar Gess: "Durang adolatli natija bo'ldi"

- "Uchrashuv juda qiyin kechdi. "Paxtakor" futbolchilari mahorat bobida bizga nisbatdan ustunroq, bu tabiiy. CHunki ko'pchilik futbolchilari turli xil terma jamoalarda to'p surishadi, ko'pchiliklari Osiyo chempionlar ligasida qatnashishgan, jamoa chempionatimizda etakchilikni o'z qo'liga olgan. SHu sababli biz bugun ikkinchi raqam ostida harakat qildik.

Bizda kam sonli hujumlar bo'lgan bo'lsada, o'ta xavfli ko'rinish oldi. Masalan, futbolchilarimiz uchga bir vaziyatga chiqib, imkoniyatdan foydalana olishmadi va qanot hakami passiv o'yindan tashqari holatda turgan futbolchi uchun bayroqni ko'targan vaziyatlar o'ta xavfli ko'rinish olgandi.

Baland bo'yli toshkentlik futbolchilarga yakka kurashlarda boy berdik. Bugun "Paxtakor" bizga faqatgina standart vaziyatlardan gol urishi mumkin edi xolos, biz bu usulga qarshi alohida tayyorlandik. Yigitlar yaxshi harakat qilishdi, taktik jihatdan barchasini to'g'ri bajarishdi. Xolisona baholaydigan bo'lsak, bugun "Paxtakor"da golga tortadigan vaziyat deyarli bo'lgani yo'q. Menimcha bugungi durang haqli va o'yinga mos bo'ldi".

- Samvel Babayan "Buxoro"dan umuman boshqacha futbol kutganini va "Bunyodkor"ga qarshi kechgan o'yinlarini namoish eta olishmadi deb takidladi.
- Har bir jamoa raqibi qancha darajada unga imkoniyat bersa, shu darajada o'ynaydi. "Bunyodkor"ga nisbatan "Paxtakor" ancha jipslashgan, futbolchilarning bir-birlari bilan o'yin amaliyotlari ham etarlicha. Lekin shunga qaramay biz o'yinchilarimizni shunday tarzda joylashtirdikki, raqiblar bunga qarshi hech nima qila olishmadi. Yana bir bor aytaman, hech kim ular ijrosida biron bir hujumni "Mana shu hujum golga tortadigan edi" deb ko'rsata olmaydi, chunki bunaqa hujumlarning o'zi bo'lmadi.

Bugun maydonda besh oydan beri birga o'ynayotgan jamoa, besh yil birga o'ynayotgan, xatto-ki, chempion bo'lishga ulgurgan jamoaga qarshi harakat qildi. Tabiiyki biz qiynaldik. Bizga ham besh yil beringlar, keyin ko'ramiz qaysi jamoa ikkinchi raqam ostida o'ynar ekan!"-deya o'z fikrlari bilan o'rtoqlashdi Gess.